English | عربی | Kurdî دواهەواڵ
ڕاستەوخۆ  
 
سکاڵا لە دژی یونس راوی تۆماردەکرێت 
2018-06-11 [02:47 AM]

ZNA- ھەولێر 




سەرۆکی یەکێتی زانایانی ئایینی ئیسلامی کوردستان رایگەیاند، بە نووسراوێکی فەرمی داوایان لە داواکاری گشتی کردووە سکاڵای یاسایی لە دژی یونس راوی بجوڵێنێ، بەھۆی ئەوەی "لە مانگی رەمەزاندا سووکایەتی بە پیرۆزییەکانی ئایین ‌و موسڵمانان کردووە".

مەلا عەبدوڵڵا مەلا سەعید، سەرۆکی یەکێتی زانایانی ئایینی ئیسلامی کوردستان رایگەیاند "وەکو یەکێتی زانایان نووسراوێکی فەرمیمان ئاراستەی داواکاری گشتی کردووە بۆ ئەوەی سکاڵای یاسایی لەدژی یونس راوی بجوڵێنێ. ئەو کەسە لە چەند کەناڵێکی راگەیاندنەوە سووکایەتی بە پیرۆزییەکان ئایین ‌و موسڵمانان کردووە لەباسی  ئیسرا ‌و میعراج-دا دژی ١٥ ئایەتی قورئانی پیرۆز قسەی کردووە ‌و، چەندین جاری دیکەش ھەستی موسڵمانانی بریندار کردووە".

سەرۆکی یەکێتی زانایانی ئایینی ئیسلامی کوردستان، باسی لەوەش کرد چاوەڕێی داواکاری گشتی دەکەن بۆ ئەوەی سکاڵاکە بجوڵێنێ، گوتیشی "بۆ ئەوەی ھیچ گرفتێکی لابەلا دروست نەبێت، باشترین رێگەی مەدەنیمان گرتووەتەبەر دژی ئەو کەسەی سووکایەتی کردووە ‌و چاوەڕێی داواکاری گشتی دەکەین". 

یونس راوی، سەرۆکی سەنتەری رۆشنگەری، وەکو شرۆڤەکارێکی ئاینی بۆچوونی جیاوازی لەسەر ئایین ‌و مێژووی  ئیسلام ھەیە، ئەوەش ھەندێ جار کاردانەوەی جیاوازی لێدەکەوێتەوە.


سەرچاوە | رووداو 
 





ئەم هەواڵە 2074جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad