English | عربی | Kurdî دواهەواڵ
ڕاستەوخۆ  
 
هەرێمى کوردستان ئامادەیى تەواویان هەیە بۆ پێشوازیکردن لە خوێندکارانى عەرەب بۆ درێژەدان بەخوێندن
2018-06-12 [12:09 PM]

ZNA-هەولێر


د.یوسف گۆران وەزیرى خوێندنى باڵا و توێژینەوەى زانستى لەگەڵ پڕۆفیسۆر سوڵتان ئەبو عرابی ئەلعدوان ئەمینداری گشتیی یەكێتیی زانكۆكانی عەرەبی گفتوگۆیان لەبارەى پەیوەندییە زانستیەکانى نێوان زانکۆکانى هەرێمى کوردستان و زانکۆکانى وڵاتانى عەرەب کرد.

لە دیدارەكەدا، کە ئەمڕۆ سێشەممە، ڕێکەوتى (١٢/٦/٢٠١٨)بەئامادەبونى د.ئامانج سەعید ڕاوێژکارى وەزیرى خوێندنى باڵا و توێژینەوەى زانستى و، د.نەژدەت ئاکرێی بەڕێوەبەرى گشتى فەرمانگەى توێژینەوە و پەرەپێدان و، د. خەتاب شێخانى بەڕێوەبەرى گشتى فەرمانگەى کارگێڕى و دارایى و، د.ئیدریس هادى سەرۆکى بۆردى ئەمیندارانى زانکۆى ئیشک بەڕێوەچو، چەند تەوەڕێکى جیا گفتوگۆیان لەسەر کرا.

ئەمینداری گشتیی یەكێتیی زانكۆكانی عەرەبی خۆشحاڵى خۆى بەو سەردانە بۆ هەرێمى کوردستان دەبڕى و، هەروەک بەگرنگیەوە باسى لە پێگەو ڕۆڵى زانکۆکانى هەرێمى کوردستان کرد لە بایەخدان بەکواڵیتى و پەرەپێدان و، گەیشتن بە ستانداردە نێودەوڵەتییەکان.

لەبەرامبەردا، وەزیرى خوێندنى باڵا و توێژینەوەى زانستى دواى بەخێرهێنانى ئەمینداری گشتی یەكێتیی زانكۆكانی عەرەب و وەفدى هاوڕێى، باسى لە گرنگى و مێژوى پێکەوەژیان و پەیوەندى لە مێژینەى نێوان کورد و عەرەب کرد، ئامادەیى وەزارەتەکەى پیشاندا بۆ فراوانکردنى پەیوەندییە زانستیەکانى نێوان زانکۆکانى هەرێمى کوردستان لەگەڵ زانکۆکانى عەرەب و، وتیشى زانکۆکانى هەرێمى کوردستان ئامادەیى تەواویان هەیە بۆ پێشوازیکردن لە خوێندکارانى عەرەب بۆ درێژەدان بەخوێندن.





ئەم هەواڵە 3910جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad