English | عربی | Kurdî دواهەواڵ
ڕاستەوخۆ  
 
تۆمه‌تبارانی ته‌قینه‌وه‌كه‌ی ناوچه‌ی سه‌در ئاشكرا كران
2018-06-13 [07:47 AM]

ZNA-هه‌ولێر


ئەنجوومەنی باڵای دادوەریی لە عێراق رایگەیاند، فەرمانی دەستگیرکردنی بۆ ٢٠ کەس دەرکردووە بە تۆمەتی ئەنجامدانی تەقینەوەی ناوچەی سەدر کە ھەفتەی رابردوو روویدا و بە ھۆیەوە ٢٠ کەس کوژران.

رۆژی چوارشەممەی رابردوو تەقینەوەیەک لەناو قوتابخانەیەکی ناوچەی سەدر رۆژھەڵاتی بەغدا روویدا و بە ھۆیەوە ٢٠ کەس کوژران و ٧٠ی دیکەش بریندار بوون.

لە بەیاننامەیەکدا، گوتەبێژی ئەنجوومەنی باڵای دادوەریی، عەبدولسەتار بەیرەقدار رایگەیاندووە کە ئەنجوومەنەکەیان رێوشوێنی یاسایی گونجاوی تایبەت بە رووداوی تەقینەوەکەی ناوچەی سەدر گرتەبەر و تا دوێنێ سێشەممە، فەرمانی دەستگیرکردنی بۆ ٢٠ کەس دەرکردووە بە تۆمەتی ئەنجامدانی تەقینەوەکە.

عەبدولسەتار بەیرەقدار ئاماژەی بەوەشداوە کە ئەنجوومەنی باڵای دادوەریی داوای لە سەرجەم لایەنەکان کردووە کە دەستوەرنەدەنە کاروباری دادگاکانی سەربە ئەنجوومەنی باڵای دادوەریی بۆ ئەوەی بتوانن بە پێی دەستوور کارەکانیان جێبەجێ بکەن، ھەروەھا دەزگا و دادگاکانی سەربە ئەنجوومەنی باڵای دادوەریی پێویستیان بە ئاراستەکردن و رێنمایی ھیچ کەس و لایەنێک نییە تا ئەرکەکانیان جێبەجێ بکەن، چونکە ئەوان بەپێی دەستوور سەربەخۆن و سەربە ھیچ لایەنێک نیین





ئەم هەواڵە 7618جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad