English | عربی | Kurdî دواهەواڵ
ڕاستەوخۆ  
 
عەممار حەکیم هێرشدەکاتە سەر هاوپەیمانی نێوان سه‌در و عامری
2018-06-17 [10:33 AM]

ZNA- هه‌ولێر


عەممار حەکیم، سەرۆکی رەوتی حیکمە، هێرشدەکاتە سەر هاوپەیمانی نێوان موقتەدا سەدر و هادی عامری بۆ پێکهێنانی حکوومەتی داهاتووی عێراق. بە هاوپەیمانیەتیەکی ''تائیفی''ناوی دەبات.

بەگوێرەی هەواڵێکی رۆژنامه‌ی "الشرق الاوسط"ی سعوودی، حەکیم ناچێتە ناو ئەو هاوپەیمانییە شیعییە و لە بری ئەوە پێی باشە حکوومەتی داهاتووی عێراق "تەکنۆکرات بێت نەک تائیفی".

حەکیم لەبارەی یەکگرتنی سەدر و عامری، رایگەیاندووە: "ئەوە هەڵەیە کە بگەڕێینەوە هاوکێشە کۆنەکە و چاوەڕێی ئەنجامی باشتر بکەین. هاوپەیمانی تائیفی ناتوانێت حکوومەتێکی نیشتیمانی دروستبکات کە لە ئاست چاوەڕوانی خەڵکیدا بێت".

محەمەد جەمیل میاحی، ئەندامی باڵای رەوتی حیکمە، لە بارەی قسەکانی عەممار حەکیم، بە رۆژنامەی "الشرق الاوسط"ی گوتووە: "حەکیم بە ئاماژە کردن بۆ حکوومەتی نیشتیمانی مەبەستی لە دروستکردنی حکوومەتێکە کە لە هەموو پێکهاتەکانی عێراق لەخۆبگرێت، بە شیعە و سوونە و کوردەوە".

پێنج هێزی شیعە ئێستا کار بۆ دروستکردنی حکوومەتی داهاتووی عێراق دەکەن، تاکو ئێستاش تەنها سەدر و عامری هاوپەیمانین، هەرچی عەبادی و مالیکی و حەکیمیشە خۆیان یەکلا نەکردووەتەوە لەوەی دەبنە ئۆپۆزسیۆن یاخود بەشدار دەبن لە حکوومەتی داهاتووی عێراق.

ھەفتەی رابردوو سه‌در و عامری، رێككەوتنیان لەسەر ھاوپەیمانیەتی بۆ پێكھێنانی حكوومەتی داھاتووی عێراق راگەیاند و چاوەڕێی گفتوگۆن لەگەڵ لایەنەكانی دیكە.

 





ئەم هەواڵە 8335جار خوێندراوەتەوە
 
 
ڤیدیۆ گەلەری
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
گەنجێک ئافرەتێک لە مردن رزگار دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad