English | عربی | Kurdî دواهەواڵ
ڕاستەوخۆ  
 
رژێمی سوریا له‌گه‌ڵ هێزه‌ كوردیه‌كان ئاشت ده‌بێته‌وه‌
2018-06-18 [05:57 AM]

​ZNA – هه‌ولێر


شاندێکی حکوومەتی سووریا سەردانی هێزە کوردییەکانی رۆژئاوای كوردستان و هەسەدەی كرد، ھاوسەرۆكی تەڤگەری جڤاکی دیموکراتیك (تەڤدەم)، ئامادەی هێزە کوردییەکانی بۆ چوونه‌ دیمەشق نیشاندا.

بەگوێرەی هەواڵێکی رۆژنامەی مەسدەری نزیك لە بەشار ئەسەد، ئاڵدار خەڵیل لە لێدوانێکی بۆ ئاژانسی هەواڵی رۆیتەرز ئاشکرای کردووە، هەر رێککەوتنێك لە نێوان هەسەدە و رژێمی سووریا  دەبێتە "رێککەوتنێکی مێژوویی بۆ هەردوولا".

ئەو رۆژنامە سوورییە ئاشکرای کردووە، شاندێکی بەشار ئەسەد، سەردانی ئەنجوومەنی سووریای دیموکراتیان کردووە کە زیاتر لە هێزە کوردییەکان پێکدێت و لە شاری قامیشلو کۆبوونەتەوە.

هەر بە گوێرەی زانیارییەكانی ئەو رۆژنامەیە: "لە کۆبوونەوەکەدا باس لە رەوشی سووریا و رێککەوتنی هەسەدە و رژێمی سووریا کراوە، هەسەدەش لە دوای چەند ساڵ جەنگ ئامادەیی خۆی بۆ ناردنی شاندێکی باڵا بۆ دیمەشق نیشانداوە".

رۆژنامەی مەسدەر، لە هەواڵەکەدا ئاماژەی بەوەشداوە: "حکوومەتی سووریا و کوردەکان خەریکن ئاشت دەبنەوە. ئێستاش چەند ناوچەیەك بە هاوبەشی لە سووریا بەڕێوەدەبەن وەك رێگاکانی نێوان شارەکانی حەسەکە و حەلەب".

هەوڵەكانی هەسەدە و رژێمی سووریا بۆ رێككەوتن دوای ئەوە دێت، ئەمەریکا و تورکیا رێککەوتن بۆ وەدەرنانی هەسەدە لە شاری منبج و پێشتریش سوپای تورکیا و هێزەکانی نزیك لە تورکیا، شاری عەفرینیان داگیرکرد و زۆربەی خەڵكی ئەو شارە كوردستانییە ئاوارەبوون.

 





ئەم هەواڵە 4594جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad