English | عربی | Kurdî دواهەواڵ
ڕاستەوخۆ  
 
چەکدارانی داعش لە باشوری حەسەکە هەڵدێن
2018-06-18 [11:21 AM]

ZNA - هه‌ولێر


 

کۆمەڵەی سوریا بۆ چاودێری مافەکانی مرۆڤ ئاشكرای كرد، دوای ئەوەی هێزەکانی سوریای دیموکرات لە شارۆچکەی ئەلدەشیشە چەکدارانی داعشی وەدەرنا، له‌ ئێستادا لە گوندەکانی باشوری پارێزگای حەسەکە ئه‌و چه‌كدارانه‌ هەڵدێن و دەکشێنەوە.

ئەمڕۆ دووشەممە کۆمەڵەکە لەسەر ماڵپەڕەکەی رایگه‌یاند، ئەم زانیاریـیەی لە سەرچاوەی بڕواپـێکراوەوە پـێگەیشتووە کە داعش لەو گوندانە هەڵدێت پاش ئەوەی دوێنێ شەو هێزەکانی سوریای دیموکرات بە پاڵپشتی هێزی ئەمەریکایی و فەڕەنسایی و ئیتالی و چەند وڵاتێکی دیکەی ڕۆژئاوایی توانیان شارۆچکەی ئەلدەشیشە کۆنترۆڵبکەن کە نزیکەی حه‌وت کیلۆمەتر لە سنووری نێوان سوریا و عێراقەوە دوورە.

بەمەش تەنیا سێ گوندی پارێزگای حەسەکە بە دەست داعشەوە دەمێننەوە و ئەگەربێت و هێزەکانی سوریای دیموکرات ئەو سێ گوندەش ئازادبکەن، ئەوا تەواوی ئەو پارێزگایەی ڕۆژهەڵاتی سوریا لە داعش ڕزگاردەکرێت.

کۆمەڵەکە باس لەوەش دەکات بە لایەنی کەم 82 چەکداری داعش لە میانەی ئۆپەراسیۆنەکانی دوو هەفتەی ڕابردوو لە پارێزگای حەسەکە کوژراون.

لە ئێستادا هێزەکانی سوریای دیموکرات ناوچەکە لە بۆمبە چێنراوەکانی داعش پاکدەکەنەوە.

 

voa





ئەم هەواڵە 1942جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad