English | عربی | Kurdî دواهەواڵ
ڕاستەوخۆ  
 
عێراق له‌سه‌ر بۆردومان كردنی حه‌شدی شه‌عبی هاته ‌ده‌نگ
2018-06-19 [05:48 AM]

​ZNA – هه‌ولێر


وەزارەتی دەرەوەی عێراق بەیاننامەیەکی لە بارەی بۆردوومانکردنی حەشدی شەعبی لەسنووری سووریا بڵاوکردەوە.

وەزارەتی دەرەوەی عێراق لە بەیاننامەکەدا ئیدانەی بۆردوومانکردنی پێگەکانی حەشدی شەعبی دەکات لەسەر سنووری سووریا و رایدەگەیەنێت "پێویستە هاوئاهەنگی تەواو لەنێوان هێزی ئاسمانی هاوپەیمانان و ئەو هێزانە هەبێت، کە لە سنوورەکانی نێوان عێراق و سووریا شەڕی داعش دەکەن".

دوێنێ دووشه‌ممه‌ فەرماندەی حەشدی شەعبی رایگەیاند "ئێوارەی رۆژی یەکشەممە، فڕۆکەیەکی ئەمریکی بە دوو مووشەک بارەگایەکی حەشدی شەعبیی لیواکانی 45 و 46 لەسەر هێڵی سنووری لەگەڵ سووریا بۆردوومانکردووە، لە بۆردوومانەکەدا 22 چەکداری حەشدی شەعبی کوژراون و 12ی دیکە برینداربوون.  بۆردوومانەکە بە قوڵایی 700 مەتر لەناو خاکی سووریا چەکدارەکانی کردووەتە ئامانج".

گوتەبێژی هاوپەیمانیی نێودەوڵەتی کۆلۆنیێل شۆن رایان،  وەڵامی حەشدی شەعبی دایه‌وه‌ و رایگەیاند :هاوپەیمانیی نێودەوڵەتی هیچ هێرشێکی لەنزیک ئەلبوکەمالی  سووریا ئەنجامنەداوە لەو شوێنەی هێزەکەی حەشدی شەعبی لێ کراوەتە ئامانج.

 





ئەم هەواڵە 6712جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad