English | عربی | Kurdî دواهەواڵ
ڕاستەوخۆ  
 
سه‌رۆك بارزانی خه‌ڵاتی ئاشتی پێبه‌خشرا
2018-06-19 [08:26 AM]

ZNA-هەولێر


لە ١٩ـی حوزەیرانی ساڵی ١٩٩١ و لە رۆژێکی وەکوو ئەمڕۆ، سەرۆک مەسعود بارزانی لەلایەن رێکخراوی چاودێری مافی مرۆڤەوە خەڵاتی ئاشتی پێبەخشرا. 

ئەمەش لە بەرامبەر ئەو ھەوڵەێستە ئاشتیخوازانەی کە ھەمیشە لە بیروباوەڕ ‌و بۆچوون و کار و ھەڵوێست و بیرکردنەوەی مەسعود بارزانیدا رەنگی داوەتەوە. 

لە ١٩ـی حوزەیرانی ١٩٩١، کۆمیتەی یاسایی رێکخراوی چاودێری مافی مرۆڤ کە رێکخراوێکی نێودەوڵەتی و جیھانییە، خەڵاتی ساڵی ١٩٩١ـی پێشکەش بە مەسعود بارزانی کرد. 

بەو بۆنەیەوە لە واشنتۆنی پایتەختی ئەمریکا لە ئاھەنگێکی فراواندا کە نزیکەی ٥٠٠ میوان لە یاساناسان و کۆنگرێسمان و کەسایەتی دیپلۆماسی بیانی ئامادەی بوون، ئەو خەڵاتە پێشکەش بە سەرۆک بارزانی کرا. 

جێی باسە تا ئێستا ژمارەیەک لە سەرکردە و رێبەر تێکۆشەرەکانی جیھان ئەو خەڵاتەیان وەرگرتووە، بەتایبەت ئەوانەی لەپێناو ئاشتی و خۆشگوزەرانی و ئارامی و ئاسوودەیی مرۆڤ و، پێشکەوتنی کۆمەڵگەی مرۆڤایەتی و، سەرفیرازی مرۆڤدا تێکۆشاون. 

بەخشینی ئەم خەڵاتە بە مەسعود بارزانی لەلایەن ئەم رێکخراوە جیھانییەی مافی مرۆڤەوە، رێز گرتن بوو لە ھەموو  ھەڵوێستە ئاشتییەکانی سەرۆک بارزانی کە لە ماوەی مێژووی خەباتی خۆیدا لەناو شۆڕشی شاخ و، لە ناو ژیانی سیاسی و مەدەنیدا نواندویەتی. رێز گرتن بوو لە مێژووی تێکۆشان و شۆڕشی میللەتێک کە،‌ ھیچ کاتێک ئامادە نەبوو، مۆرکی تیرۆر و تووندوتیژی بە خەباتە رەوایەکەیەوە بلکێنێت. 

رێز گرتن بوو لە ماندووبوون و تێکۆشانی میللەتێک کە ھەمیشە، مەردانە بەرگری لە مافەکانی خۆی کردووە و دەستی بۆ خاک و مافی ھیچ نەتەوەیەک نەبردووە، نەی ھێشتووە شەڕ لە پێناوی بەرگری کردن و سەندنی مافە رەواکانی خەڵکی کوردستاندا، بگۆڕێت بۆ شەڕ لە نێوان رۆڵەکانی نەتەوەی کورد و نەتەوەکانی دیکەی عەرەب و فارس و تورک.





ئەم هەواڵە 15559جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad