English | عربی | Kurdî دواهەواڵ
ڕاستەوخۆ  
 
دوای جەژنانە دەستیان بە کوشتنی یەکتری کرد
2018-06-20 [08:17 AM]

ZNA- ھەولێر


بەهۆی جەژنی رەمەزان چەکدارانی تاڵیبان و هێزەکانی سەر بە سووپای ئەفغانستان، ئاگربەستییان راگەیاند و دەستیان کرد بە گرتنی وێنە سێڵفی و جەژنە پیرۆزە، لەگەڵ تەواوبوونی جەژن، تاڵیبان وەک ئەوەی قەرزی لەسەربێت، ئەمڕۆ چوارشەممە ( 20/06/2018) 30 سەربازی سوپای ئه‌فغانستانی کوشت.

دوای تەواوبوونی مانگی رەمەزان، حکوومەتی ئەفغانستان داوای لە تاڵیبان کرد، بۆ بەڕێکردنی جەژنێکی ئارام، ئاگربەست رابگەیەنن، تاڵیبانیش ره‌زامه‌ندی ده‌ربڕی.

لە رۆژانی جەژن چەند چەکدارێکی تاڵیبان و سوپای ئەفغانستان بە چەک و رومانە و ئاڕ پی جی چوونە لای یەک و جەژنە پیرۆزەیان لەیەک کرد، تەنانەت ئەملاولای یەکیشیان ماچکرد.

خەڵکی ئەفغانستانیش بەهۆی خوێنڕشتنی بەردەوام، داوایان کرد کە ئەو ئاشتییە بەردەوم بێت و ئیدی ئەو وێنە سێڵفیانە ببێتە کارێکی رۆژانە، بەڵام وەک هەمیشە هیواکەیان فەرامۆشکرا و دوای جەژنە پیرۆزە چوونەوە شوێنەکانی خۆیان لە جیاتی شیرینی جەژن، دەستیانکرد بە گوولە گۆڕینەوە.

بەگوێرەی هەواڵێکی ئاژانسی رۆیتەرز :"چەکدارانی تاڵیبان لە هەرێمی به‌دغیس هێرشیانکردۆتە سەر دوو خاڵی پشکنین و بەهۆیەوە 30 سەربازی سوپا کوژراون".

ئەم هێرشەی تاڵیبانیش هاوکاتە لەگەڵ تەواوبوونی جەژنی رەمەزان و بەسەرچوونی وادەی ئاگربەست.





ئەم هەواڵە 5770جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad