English | عربی | Kurdî دواهەواڵ
ڕاستەوخۆ  
 
جەستەت پێویستی بە چوار ڤیتامینە لەدوای تەمەنی ٤٠ ساڵی
2018-06-21 [06:50 AM]

هەولێر _ ZNA


 

لەگەڵ چونەتەمەنەوە جەستە زیاتر پێویستی بە ڤیتامین و کانزاکان دەبێت، بەتایبەت لەدوای تەمەنی ٤٠ ساڵییەوە، کە سوودیان هەیە بۆ باشترکردنی بیرەوەری و بەهێزکردنی ماسولکەکانی جەستە.

ماڵپەڕی "ڕۆتانا" لە هەواڵێکدا ئاماژە بە چوار جۆر لە ڤیتامین دەدات کە جەستە پیویستی پێیەتی بەتایبەت لەدوای تەمەنی ٤٠ ساڵییەوە، ئەوانیش:

- کالیسیۆم

لەگەڵ گەیشتن بە تەمەنی ٤٠ ساڵی بوونی ئەو خواردنانەی کە ماددەی کالیسیۆمیان تێدایە گرنگن بۆ جەستە، کە دەتوانرێت بە شێوەی ڤیتامین بخورێت، دەبێتەهۆی پاراستنی ددان و ماسولکەکانی جەستە، دڵ لە نەخۆشییە جۆراوجۆرەکان دەپارێزێت.

- ڤیتامین D

یەکێکە لە ڤیتامینە گرنگەکان کە جەستە پێویستییەتی بەتایبەت لە تەمەنی ٤٠ ساڵی بەرەوسەرەوە، بە جێگرەوەی کالیسیۆم دادەنرێت، سەرچاوەکانی ئەم ڤیتامینە، خۆدانە بەر تیشکی خۆر یان لەڕێگەی خواردنی دەرمانی ڤیتامینەوەیە.

- ئۆمێگا ٣

خواردنی ئەو بەرهەمانەی کە ئۆمێگا ٣ لە پێکهاتەیدا هەیە، بەتایبەت لەدوای تەمەنی ٤٠ ساڵی دەبێتەهۆی پاراستنی لە نەخۆشییە جۆراوجۆرەکان کە لەو تەمەنەدا توشدەبن وەکو نەخۆشییەکانی دڵ و کۆلیسترۆڵ و پاراستنی بیرەوەری و تواناکانی مێشک، سەرچاوەی ئۆمێگا ٣ ماسی و چەرەسات یان دەرمانە.

- مەگنیسیۆم

یەکێکە لەو ڤیتامینانەی کە جەستە پێویستیەتی، بەتایبەت لەدوای تەمەنی ٤٠ ساڵی کە جەستە لە نەخۆشی شەکرە دەپارێزێت، لەڕێگەی چەرەسات و ئەڤۆگادۆ و سەوزەواتەوە مەگنیسیۆم دەستدەکەوێت.





ئەم هەواڵە 7105جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad