English | عربی | Kurdî دواهەواڵ
ڕاستەوخۆ  
 
خەسرۆ گۆران : ئەگەر دەنگەکان بەدەست بژمێردرێنەوە پارتی کورسیەکانی زیاد دەکات
2018-06-21 [08:11 AM]

ZNA- ھەولێر


به‌رپرسى ده‌زگاى هه‌ڵبژاردنى پارتى ديموكراتى كوردستان، خه‌سرۆ گۆران رايگه‌ياند، "بڕياره‌كانى دادگاى فيدراڵى به‌ دڵى پارتى ديموكراتى كوردستانن".

خه‌سرۆ گۆران گوتى: "ئه‌و بڕيارانه‌ى ئه‌مڕۆ له‌ دادگاى فيدراڵى ده‌رچوون، به‌ دڵى پارتى ديموكراتى كوردستانه‌ و پارتى هه‌ر ئه‌وه‌ى ده‌ويست كه‌ بڕيارى له‌ باره‌وه‌ دراوه‌".

گوتيشى: "پارتى پێى وابوو هه‌ڵوه‌شاندنه‌وه‌ى ده‌نگى پێشمه‌رگه‌ و ئاواره‌كان ناده‌ستوورييه‌ بۆيه‌ سكاڵاى تۆمار كرد".

هه‌روه‌ها گوتى: "ئه‌گه‌ر ده‌نگه‌كانى پارێزگاى نه‌ينه‌وا به‌ ده‌ست بژمێردرێنه‌وه‌، پێشبينى ده‌كه‌ين، ژماره‌ى كورسى پارتى له‌ نه‌ينه‌وا زياتر بێت و ئێستا شه‌ش كورسى هه‌يه‌ و بگاته‌ حه‌وت كورسى".

هه‌روه‌ها ئه‌وه‌شى گوت: "پارتى هيچ كاتێك لارى نه‌بووه‌ له‌ ژماردنه‌وه‌ى ده‌نگه‌كان به‌ ده‌ست".

ئاماژه‌شى بۆ ئه‌وه‌ كرد، "پارتى ئاماده‌يه‌ هه‌ماهه‌نگى و هاوكارى پێشكه‌ش به‌و دادوه‌رانه‌ بكات، كه‌ بڕياره‌ له‌ جێى كۆميسيارانى كۆميسيۆنى باڵاى سه‌ربه‌خۆى هه‌ڵبژاردنه‌كان له‌ سنوورى پارێزگاكانى عێراق ده‌ستبه‌كار بن".

دواى به‌ڕێوه‌چوونى پرۆسه‌ى هه‌ڵبژاردنه‌كانى 12ى ئايارى رابردوو، ئه‌نجوومه‌نى نوێنه‌رانى عێراق به‌ زۆرينه‌ى ده‌نگ ياساى هه‌ڵبژاردنه‌كانى هه‌موار كرده‌وه‌.

ئه‌مڕۆش دادگاى فيدراڵى ئه‌و هه‌مواركردنه‌وه‌يه‌ى به‌ شه‌رعى و ياسايى له‌قه‌ڵه‌مدا.

دادگاى ئيتيحادى راشيگه‌ياند، تانه‌دان له‌ ئه‌نجامى هه‌ڵبژاردنه‌كان ناده‌ستوورى نييه‌ و هه‌ڵوه‌شاندنه‌وه‌ى ده‌نگدانى تايبه‌ت و پێشمه‌رگه‌ و هاووڵاتيانى ده‌ره‌وه‌ى وڵات و ئاواره‌كانى ناوخۆ ناده‌ستوورييه‌.

هه‌روه‌ها بڕياريشدا، كه‌ ژماردنه‌وه‌ى ده‌نگه‌كان به‌ ده‌ست پرسێكى ئاسايى و ده‌ستوورييه‌ و ده‌بێت ته‌نيا ئه‌و ده‌نگانه‌ بژمێردرێنه‌وه‌ كه‌ گومانيان له‌سه‌ره‌ و ئه‌و ناوچانه‌ى كه‌ ساخته‌كارى تێدا تۆمار نه‌كراوه‌ پێويست به‌ ژماردنه‌وه‌ى ده‌نگه‌كان ناكات.





ئەم هەواڵە 3781جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad