English | عربی | Kurdî دواهەواڵ
ڕاستەوخۆ  
 
گۆڕانکاریی زیاتر لە ‌٦٠ پۆستی وەزارەتی پێشمەرگە دەکرێت
2018-06-25 [08:27 AM]

ZNA-هه‌ولێر


جێگری سەرۆکئەرکانی ئۆپراسیۆنەکانی وەزارەتی پێشمەرگەی حکوومەتی ھەرێمی کوردستان گوتی، ئەنجومەنی وەزیران فەرمانی گۆڕانکاریی ‌زیاتر لە ‌٦٠ پۆستی وەزارەتی پێشمەرگەی دەرکردووە و وەزیری پێشمەرگەش گشتاندنی کردووە و ‌ئێستا دەست بە ‌جێبەجێکردنی دەکرێت.

ماوەیەک پێش ئێستا پرۆژەیەکی چاکسازی ئامادە ‌کرابوو بۆ ئەوەی لە وەزارەتی پێشمەرگە جێبەجێ بکرێت و ‌ئێستا پڕۆژەکە لە بواری جێبەجێکردندایە و لەو چوارچێوەیەشدا بڕیارە گۆڕانکاری لە کۆمەڵێک پۆستی وەزارەتی پێشمەرگەدا بکرێت.

لیوا قارەمان کەمال، جێگری سەرۆکئەرکانی ئۆپراسیۆنەکانی وەزارەتی پێشمەرگەی حکوومەتی ھەرێمی کوردستان ڕاگەیاند: " ئەنجومەنی وەزیران فەرمانی گۆڕانکاریی زیاتر لە ‌٦٠ پۆستی وەزارەتی پێشمەرگەی دەرکردووە و گەڕاوەتەوە بۆ وەزارەتی پێشمەرگە و وەزیری پێشمەرگە بەوەکالە گشتاندنی کردووە بۆ جێبەجێکردنی و ‌ئێستا دەست بەجێبەجێکردنی کراوە و کۆمەڵێک بەرپرس گۆڕدراون و ئەوانەی دیکەش ھەر لەم ھەفتەیەدا دەگۆڕدرێن."

لەبارەی گۆڕانکارییەکانیشەوە، لیوا قارەمان کەمال گوتی: "گۆڕانکارییەکان لە وەزارەتی پێشمەرگە و یەکەکانی ٧٠ و ٨٠ کراون، کە ھەندێک بەرپرسی ‌وەزارەت چوونەتە یەکەکانی ٧٠ و ٨٠ و ھەندێ بەرپرس لەو دوو یەکەیەوە ھاتوون بۆ وەزارەت و ھەندێکیش لە ‌ناو وەزارەت گۆڕانکاری کراون."

کەمال باسی لەوەش کرد: "ئەو پۆستانەی کە گۆڕانکاریشیان تێدا کراوە،‌ گرنگترینیان جێگری سەرۆکئەرکانی کاروباری ئیدارە و میرە و چەندین بەڕێوبەری گشتی و چەندین جێگری بەڕێوبەری گشتی و ژمارەیەک فەرماندەی لیواکان گۆڕانکارییان تێدا کراوە و ژمارەیەک پۆستیش لە ئەنجومەنی وەزیران ماوە و بڕیارە بە زووترین کات فەرمانی ئەوانیش دەربچێت."

بە ‌پێی زانیارییەکانیش ئەو پۆستانەی ماوە کە بڕیارە ئەنجومەنی وەزیران فەرمانیان بۆ دەربکات، گرنگترینیان ئەمینداری گشتیی وەزارەتی پێشمەرگە و جێگری سەرۆکئەرکانی ئۆپراسیۆنەکانە.


KDP





ئەم هەواڵە 6973جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad