English | عربی | Kurdî دواهەواڵ
ڕاستەوخۆ  
 
سزایی ئەوانە دەدرێت کە بەبێ مۆلەت چەک ھەلدەگرن
2018-06-28 [08:03 AM]

ZNA-ھەولێر


جێگری سەرۆکی لێژنەی ئاسایش و ناوخۆ لە پەرلەمانی کوردستان رایگەیاند، لەمەودوا ھەوڵ دەدرێت چەک لەلای ئەو کەسانەش نەبێت کە ئەندامی ھێزی ئەمنین و لەئەرکدا نین، چونکە پێویست ناکات کەس بەبێ دەوام و ئەرک چەکی پێ بێت.

 

نازم ھەرکی، جێگری سەرۆکی لیژنەی ئاسایش و ناوخۆ لە پەرلەمانی کوردستان بە ئاژانسی ھەواڵی زاگرۆسی ڕاگەیاند: ھەولێر و ھەرێمی کوردستان لە ڕووی ئەمنییەوە سەقامگیرن، بەڵام ھەندێ حاڵەتی کوشتن و تەقەکردن لە چەند ڕۆژی ڕابردوودا ڕووی دا و کێشەکانیش زیاتر کۆمەڵایەتی و کێشەی کۆن بوون، لەبەر ئەوەش بڕیار دراوە لێپرسینەوە لەگەڵ سەرپێچیکاراندا بکرێت و دەستی ھێزە ئەمنییەکان کراوەیە بۆ ھەر لێپێچینەوەیەک.

 

جێگری سەرۆکی لیژنەی ئاسایش و ناوخۆ لە پەرلەمان کوردستان گووتی: ھیچ بۆشاییەک نییە لە ڕووی یاساییەوە تا دۆخی ئەمنی کۆنتڕۆڵ بکرێت، ئێمەش وەک پەرلەمان چاودێری جێبەجێکردنی ئەو یاسایانە دەبین، کە پەیوەندیدارن بە ڕاماڵینی چەک و سزادانی ئەوانەی بەبێ مۆڵەت چەک ھەڵدەگرن و خۆیان لە سەرەوەی یاسا دادەنێن.

 

نازم ھەرکی گوتیشی:  چەندین کەس دەستگیر کراون و دەست بەسەر چەکەکانیاندا گیراوە، لەمەودوا ھەوڵ دەدرێت چەک لەلای ئەو کەسانەش نەبێت کە ئەندامی ھێزی ئەمنین و لەئەرکدا نین، چونکە پێویست ناکات کەس بەبێ دەوام و ئەرک چەکی پێ بێت.

 

 

رێباز یونس





ئەم هەواڵە 4111جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad