English | عربی | Kurdî دواهەواڵ
ڕاستەوخۆ  
 
ئێران خراپترین ولاتی جیهانه‌
2018-06-30 [05:20 AM]

ZNA- هه‌ولێر


وەزارەتی دەرەوەی ئەمریکا لە ڕاپۆرتی ساڵانەی خۆیدا، لە بواری قاچاخی مرۆڤدا ئێرانی خستووەتە ناو لیستەی خراپترین وڵاتانی جیهانەوە.

 

لەو ڕپۆرتەی وەزارەتی دەرەوەی ئەمریکا کە کۆتایی هەفتەی پێشوو بڵاو کراوەتەوە، هاتووە ئێران کەمترین هەوڵ بۆ بەرەنگاربوونەوەی قاچاخی مرۆڤ دەدات. بەپێی هەمان ڕاپۆرت، ئێران سەرەڕای پەیوەستبوون بە ڕێککەوتنی نەتەوە یەکگرتووەکان بۆ دژایەتیی لەگەڵ تاوانە ڕێکخراوەکان، وەک پێویست هاوکاری ناکات و هیچ زانیارییەک لە هەوڵەکانی نادا بەدەستەوە.

 

ئەو 187 وڵاتەی کە لەو ڕاپۆرتەدا باسیان لێوە کراوە، بە چوار دەستە دابەش کراون، ئێران، میانمار، ڕووسیا و ڤەنزوێلا و کۆریای باکوور و 17 وڵاتی دیکە لە ڕیزی خراپترین وڵاتان دان لە بواری قاچاخی مرۆڤدا.

 

بەپێی ئەم ڕاپۆرتە، ئێران جیا لە قاچاخی مرۆڤ تاوانبارە بەوەی کە هاووڵاتیان و بەتایبەت منداڵانی ئەفغانی وەک سەربازی شەڕ و بزاری کار بەکار دەهێنێت.

 

لەو ڕاپۆرتەدا هاتووە ئێران ممنداڵانی تەمەن 13 ساڵی ئەفغانی کە لەو وڵاتە پەنابەرن، بۆ شەڕی ناوخۆی سووریا ڕەوانە دەکات، ئێران هاوکات پشتیوانی لە گرووپە میلیشیا شیعەکان لە عێراق و سووریا و یەمەن پشتیوانی دەکات کە تێیاندا بە سەدان منداڵ وەک سەرباز بەکار دەهێنرێن.

 

ڕێکخراوی چاودێری مافی مرۆڤ، پاییزی ساڵی ڕابردوو ڕای گەیاند، سوپای پاسداران لە لەشکرەکانی "فاتمیۆن" دا منداڵانی ئەفغانی بۆ شەڕی سووریا بەکار دەهێنێت و بە دەیان منداڵ بەو بۆنەوە گیانیان لەدەست داوە.





ئەم هەواڵە 1966جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad