English | عربی | Kurdî دواهەواڵ
ڕاستەوخۆ  
 
ئه‌مریكا پشگیری خۆپیشاندانه‌كانی ئێران ده‌كات
2018-06-30 [08:05 AM]

ZNA- هه‌ولێر


لە ماوەی دە ڕۆژی ڕابردوودا کۆشکی سپی و مایک پۆمپیۆ، وەزیری دەرەوەی ئەمریکا بە بڵاوکردنەوەی چەندان تویت ڕەخنەیان لە ڕەفتارەکانی ئێران گرتووە و هاوکات پشتگیرییان لە خۆپیشاندان و ناڕەزایەتییەکانی خەڵک کردووە.

 

لەمبارەوە کۆشکی سپی دوێنێ هەینی 2018/6/29 لە ئەکاونتی خۆی لە تۆڕی کۆمەڵایەتیی (تویتەر) سەرەڕای پشتگیر و پاڵپشتی لە خۆپیشاندانی جەماوەریی ئێران، هاوکات هەوڵە تێکدەرانەکانی حکوومەتی ئێران لە ڕۆژهەڵاتی ناوەڕاست بە نابەجێ لەقەڵەم داوە و ئیدانەی کردووە.

 

لەو تویتەدا بە جەختکردنەوە لەوەی کە کۆماری ئیسلامیی ئێران سەرچاوە داراییەکانی خەڵکی ئێران بە فێڕۆ دەدات، نووسیویە خەڵکیش لەو کەمتەرخەمی و گەندەڵییانە وەڕەز و ماندوو بوون.

 

کۆشکی سپی جەختی کردووەتەوە ئەمریکا و کۆمەڵگەی نیودەوڵەتی گوێیان لە داخوازییەکانی خەڵکی ئێران هەیە.

 

هاوکات مایک پۆمپیۆ، وەزیری دەرەوەی ئەمریکاش دوێنێ لە تویتێکدا نووسیویە: "پشتیوانیی ئێران لە حووسییەکانی یەمەن، نەتەنیا لە بەرانبەر هێرش بۆ سەر سعوودیە و ئیمارات بەهێزیان دەکات، بەڵکوو مەترسیی قەیرانی مرۆیی لە یەمەن زیاتر و قووڵتر کردووە.

 

ماوەی یەک هەفتەیە دووبارە خۆپیشاندان و ناڕەزایی خەڵکی تاران و چەندین شاری دیکەی ئێران و ڕۆژهەڵاتی کوردستان بەهۆی بێکاری، قەیرانی ئابووری، گرانی و گەندەڵی دەستی پێکردووتەوە.

 





ئەم هەواڵە 6238جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad