English | عربی | Kurdî دواهەواڵ
ڕاستەوخۆ  
 
جۆزێف ڤۆتێل: زۆر گرنگه‌ هه‌ردوو هێز پێکەوە ناوچە هاوبەشەکان بپارێزن
2018-06-30 [11:43 AM]

ZNA - هەولێر


فەرماندەیه‌كی هێزەکانی ئەمریکا دەڵێت: سەردانی هەولێرم کرد و زۆر گرنگه‌ پێشمەرگە و هێزە ئەمنییەکانی عێراق بەیەکەوە لە ناوچە هاوبەشەکان لەدژی داعش کار بکەن.

رۆژی هەینی (29-6-2018) لەکۆنگرەیەکی رۆژنامەڤانی تەلەفۆنیدا جەنەڕاڵ جۆزێف ڤۆتێل، فەرماندەی فەرماندەیی هێزەکانی ئەمریکا لە رۆژهەڵاتی ناوەڕاست دەڵێت "لەو رۆژانەی رابردوو سەردانی عێراقم کرد و لەگەڵ بەرپرسانی عێراق کۆبووینەوە بۆ دانانی کاری هاوبەش بۆ چارەسەرکردنی هەڕەشەی پاشماوەکانی داعش، هەروەها سەردانی هەولێرم کرد و لەگەڵ بەشێک لە هاوبەشانمان لە هێزەکانی پێشمەرگە کۆبووینەوە و زۆر گرنگە کە لەچەند رۆژی داهاتوو هێزەکانی پێشمەرگە و هێزە عێراقییەکان لەگەڵ هێزی هاوپەیمانان لەناوچە هاوبەشەکان رووبەڕووی داعش ببنەوە. 

ڤۆتێل گوتی: حکومەتی عێراق یاسای حەشدی شەعبی پەسندکرد و بەپێی یاساکە دەبێت لەگەڵ هێزە ئەمنییەکان تێکەڵ بێت و ئەمەش بەرپرسیارێتی حکومەتی عێراقییە، ئێمە پشتیوانی هەموو ئەو هێزانە دەکەین کە بەڕێکی تێکەڵی هێزە ئەمنییەکان دەکرێن، ئێمە بەپێی رێنماییەکانی حکومەت پشتیوانی هێزەکانی پۆلیسی فیدراڵی و سوپای عێراقی و هێزەکانی دژەتیرۆر دەکەین.





ئەم هەواڵە 1657جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad