English | عربی | Kurdî دواهەواڵ
ڕاستەوخۆ  
 
سوریا... به‌هۆی مه‌رجه‌ قورسه‌كانی روسیا كۆبوونه‌وه‌ له‌گه‌ڵ ئۆپۆزسیۆن شكستی هێنا
2018-06-30 [03:34 AM]

ZNA - هه‌ولێر


ئه‌مڕۆ شه‌ممه‌ سه‌رچاوه‌یه‌ك له‌ ئۆپۆزسیۆنی سوریا ئاشكرای كرد، ئه‌و كۆبوونه‌وه‌ی له‌ شاری به‌سری شامی ژێر كۆنترۆلی ئۆپۆزسیۆن له‌نێوان ئه‌فسه‌رانی روس و نوێنه‌رانی گروپه‌كانی ئۆپزسیۆن ئه‌نجام درا، به‌بێ رێككه‌وتن كۆتایی هات.

ئه‌و سه‌رچاوه‌یه‌ كه‌ نه‌یویست ناوی ئاشكرا بكرێت، وتیشی، له‌م كۆبوونه‌وه‌یه‌ ئه‌فسه‌رانی روس مه‌رجه‌كانی خۆیان خسته‌روو، دیارترینیان چه‌كدانانی گروپه‌كانی ئۆپۆزسیۆن و دادگاییكردنی ئه‌وانه‌ی له‌ تاوانی جه‌نگ تێوه‌گلاون، ئه‌و مه‌ر‌جه‌ش له‌لایه‌ن ئۆپۆزسیۆنه‌وه‌ ره‌ت كرایه‌وه‌.

ئه‌وه‌شی روون كرده‌وه‌، رووسه‌كان چوونی هه‌ر كه‌سێك له‌ باشوور بۆ باكووری سوریایان ره‌تكرده‌وه‌، هه‌ڕه‌شه‌ی ئه‌وه‌شیان كرد، ئه‌گه‌ر ئۆپۆزسیۆن خۆیان راده‌ست نه‌كه‌ن، هێرشی ئاسمانی ده‌كه‌ن چاوه‌ڕوان نه‌كراو ئه‌نجام ده‌ده‌ن.

به‌ر له‌ دوو هه‌فته‌ هێزه‌كانی حكومه‌تی سوریا و به‌ پاڵپشتی هێزه‌كانی سه‌ر به‌ ئێران و به‌پشتیوانی هێزی ئاسمانی روسیا، پرۆسه‌یه‌كی سه‌ربازی بۆ سه‌ر ناوچه‌كانی ژێر كۆنترۆلی ئۆپۆزسیۆن له‌ باشوری سوریا ئه‌نجامدا، توانی له‌ژماره‌یه‌ك شارۆچكه‌ی رۆژهه‌ڵاتی ده‌رعا دیارترینیان "به‌سر حه‌ریر" پێشڕه‌وی بكه‌ن.

 

ئاژانسه‌كان





ئەم هەواڵە 3571جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad