English | عربی | Kurdî دواهەواڵ
ڕاستەوخۆ  
 
شەپۆلێکی دیکەی گەرما ڕوو لە ھەرێمی کوردستان دەکات
2018-07-01 [06:36 AM]

ZNA-هه‌ولێر


ئەمڕۆ یەکشەممە ١/٧/٢٠١٨، بەڕێوەبەرایەتیی گشتیی کەشناسی و بوومەلەرزەزانیی ھەرێمی کوردستان، ڕاگەیاندراوێکی لە پەیجی فەرمیی خۆی، لە تۆڕی کۆمەڵایەتیی (فەیسبووک) بڵاو کردەوە، تێیدا ھاتووە: "دووەم شەپۆڵی ھاتنی گەرمای ھاوین سبەی دووشەممە ٢/٧/٢٠١٨، کار دەکاتە سەر ھەرێمی کوردستان".

باس لەوەش کراوە، کە سبەی دووشەممە پلەی گەرما دووبارە ڕوو لە بەرزبوونەوە دەکات، بەرزبوونەوەی پلەی گەرما بە نزیکەی ٤ تا ٦ پلە دەبێت، ڕۆژی سێشەممە بە پلەیەک تا دوو پلەی دیکە بەرزتر دەبێتەوە.

کەشناسیی ھەرێمی کوردستان لە ڕاگەیاندراوەکەدا ڕوونیشی کردووەتەوە، کە لە سەنتەری پارێزگاکانی ھەولێر، سلێمانی، دھۆک و ھەڵەبجە بەرزترین پلەی گەرمای پێشبینیکراو لە نێوان ٤٤ تا ٤٦ پلەی سیلیزی دەبێت، لە پارێزگای کەرکووک و ئیدارەی گەرمیان لە سەرووی ٤٦ پلەی سەدی دەبێت.

ھەر لە ڕاگەیاندراوەکەدا ئاماژە بەوەش دراوە، کە بەرزیی پلەی گەرما تا ڕۆژی پێنجشەممە بەردەوام دەبێت، لە ڕۆژی ھەینی کۆتایی دێت، ھەروەھا بە ٤ تا ٥ پلەی سلیزی، پلەی گەرمی نزم دەبێتەوە، کاریگەریی ئەو تۆز و خۆڵەی ھەیە، لەمڕۆ یەکشەممەوە کۆتایی دێت.





ئەم هەواڵە 3853جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad