English | عربی | Kurdî دواهەواڵ
ڕاستەوخۆ  
 
حکومەتی ھەرێم بەشداریی کۆبونەوەکانی پەیماننامەی کۆمکاری عەرەبی دەکات
2018-07-01 [11:55 AM]

ZNA- هەولێر


 

رۆژانی ١-٥/٧/٢٠١٨ لە قاھیرەی پایتەختی وڵاتی میسر گفتوگۆکانی یەکەم راپۆرتی خولیی عێراق بە پەیماننامەی عەرەبی بۆ مافی مرۆڤ ئەنجام بدرێن بە بەشداری شاندێکی حکومەتی ھەرێمی کوردستان بە سەرۆکایەتی د. دیندار زێباری رێکخەری راسپاردە نێودەوڵەتییەکان لە حکومەتی ھەرێم.

 

لە بارەی کۆبوونەوەکانی پەیماننامەی عەرەبی  بۆ مافی مرۆڤ دیندار زێباری رێکخەری راسپاردە نێودەوڵەتییەکان لە حکومەتی ھەرێم رایگەیاند: لە چوارچێوەی شاندی عێراق کە پێکھاتووە لە چەندین وەزارەتی ودەستەی پەیوەندیدار لە حکومەتی فیدراڵ لەو کۆبوونەوەیەدا بەشدارن، ئێمەش وەک شاندی حکومەتی ھەرێمی کوردستان بەپێی دوایین لێکتێگەیشتنی نێوان بەغدا و ھەولێر بەتایبەتی لەگەڵ ھەردوو وەزارتی دەرەوە و داد، لە گفتوگۆکان و پابەندبوونە نێودەوڵەتییەکانی عێراق ھەوڵی جددی دەدەین بۆ ئەوەی رۆڵێکی کارامان ھەبێت و ئاستی حکومڕانی لە ھەرێم وتەحەدددیاتەکان بخەینە روو.

 

دیندار زێباری سەبارەت بە رۆڵی ھەرێمی کوردستان لە گفتوگۆیانە وتی : لەم کۆبوونەوانەدا ئێمە چەندین تەوەری گرنگ دەخەینە روو وەک: بەشداری کردنی ھاووڵاتیانی ھەرێمی کوردستان لە پرۆسەی سیاسی و ھەڵبژاردنەکان، پێشوازی کردن لە ئاوارە و پەنابەران ،پاراستنی مافی ئافرەتان، رۆڵی یاسا، ئازادی میدیا و رادەربڕین،مافی کرێکاران و کرێکارانی بیانی،مافی پێکھاتە ئایینی و نەتەوەییەکان،کەم ئەندام و خاوەن پێداویستی تایبەت، پەروەردە و خوێندنی باڵا، قەڵاچۆکردنی ماددە ھۆشبەرەکان، سزای لە سێدارەدان، رزگارکردن و ھاوکاری کردنی قوربانیانی دەستی داعش بەتایبەتی کوردانی ئێزیدی.

 

ئەم کۆبوونەوانە ماوەی پێنج رۆژ دەخایەنێت و لە بارەگای کۆمکاری عەرەبی لە قاھیرە دەبەسترێت و لەسەر ئاستی جیاجیا لە حکومەتی فیدراڵی و کۆمکاری عەرەبی و بە ئامادەبوونی چەند بریکاری وەزارەتە پەیوەندیدارەکانی لە حکومەتی فیدراڵی و باڵیۆزانی وڵاتانی ئەندام لە کۆمکاری عەرەبی.





ئەم هەواڵە 1384جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad