English | عربی | Kurdî دواهەواڵ
ڕاستەوخۆ  
 
ژماره‌ی چه‌كدارانی داعش له‌ حه‌ویجه‌ زیادی كردووه‌
2018-07-02 [05:49 AM]

ZNA- هه‌ولێر


داعش لەسنووری كەركوك‌و دەوروبەری جموجۆڵیان هەیە، هەوڵی نانەوەی پشێوی و نائارامی لەناوچەكەدا دەدەن، ئەوەش بەقسەی بەرپرسانی ئەمنی شارەكە.

ئەوە لەكاتێكدایە، سەر لە بەیانی ڕۆژی یەكشەممە‌ بەهۆی ڕوودانی سێ تەقینەوە لەنێو شاری كەركوك، كەسێك كوژراو 21 كەسی تریش برینداربوون، كە بەشێك لەبریندارەكان كارمەندی دەزگا ئەمنییەكان بوون.

عەقید ئەفراسیاو كامیل وتەبێژی پۆلیسی پارێزگای كەركوك، لەلێدوانێكدا بۆ دەنگی ئەمەریكا ئاماژەی بەوەكرد، تەقینەوەی یەكەم ئۆتۆمبیلێكی خۆكوژی بووە و هەوڵی داوە ئەو كۆگایانە بكاتە ئامانج، كە سندوقەكانی دەنگدانی تێدایە، بەڵام لەلایەن هێزە ئەمنییەكانەوە تەقەی لێكراوە و تەقێنراوەتەوە.

عەقید ئەفراسیاو كامیل رایگەیاند "لەئەنجامی تەقینەوەی ئۆتۆمبێلەكە، كەسێك گیانی لەدەستداو 21 كەسی تریش برینداربوون."

ناوبراو راشیگەیاند "دوو تەقینەوەكەی تر بۆمبی چێنراو بوون و هیچ زیانێكی گیانیان بەدواوە نەبووە."

هەر دوای تەقینەوەكە، لیوا مەعن سەعدی فەرماندەی دژەتیرۆر، كە دۆسییەی ئەمنی كەركوكیان لایە، لەبەیاننامەیەكدا رایگەیاند "تیرۆرستێك بەئۆتۆمبیلێكی بۆمب رێژكراوەوە هەوڵی تەقاندنەوەی كۆگای سندوقەكانی دەنگدانی داوە، بەڵام لەلایەن هێزەكانیانەوە تەقێنراوەتەوە".

وتەبێژەكەی پۆلیسی كەركوك ، نەیشاردەوە كە داعش لەسنووری كەركوك‌و دەوروبەری جموجۆڵیان هەیە، هەوڵی نانەوەی پشێوی و نائارامی لەناوچەكەدا دەدەن،

بەپێی زانیارییە هەواڵگیرییەكان، ژمارەی چەكدارانی داعش لەسنوری حەویجە تادێت ڕوو لەزیاد بوون دەكات، بەشێوەیەك بەشەوان بەمەفرەزەی گەورە بەناوچەكەدا دەسورێنەوەو بەشێك لەبەرپرسان ترسیان هەیە، هاوشێوەی ساڵی 2014 ئەو رێكخراوە دەست بگرێت بەسەر بەشێك لەناوچەكەدا.

وتەبێژەكەی پۆلیسی پارێزگای كەركوك، جەختیكردەوە پێناچێت داعش ئەو هێزەی هەبێت، كە بتوانێت 100% پشێوی لەكەركوكدا دروست بكات.

تەقینەوەكانی ئەمڕۆی كەركوك، لەكاتێكدایە چەكدارانی داعش لەدەوروبەری كەركوك جموجۆڵێكی فراوانیان هەیە، چەند شەوێك لەمەوبەریش هێزە ئەمنیەكانی كەركوك خرابوونە حاڵەتی ئامادەباشییەوە.
 





ئەم هەواڵە 8518جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad