English | عربی | Kurdî دواهەواڵ
ڕاستەوخۆ  
 
به‌غدا: بۆ هه‌نارده‌كردنه‌وه‌ی نه‌وتی كه‌ركوك له‌گفتوگۆداین له‌گه‌ڵ حكومه‌تی هه‌رێمی كوردستان
2018-07-02 [06:51 AM]

ZNA – هه‌ولێر


وەزیری نەوتی عێراق جەختی لە بەردەوامی گفتوگۆکانی نێوان هەردوو حکوومەتی عێراق و حکوومەتی هەرێمی کوردستان و هەروەها حکوومەتی عێراق و حکوومەتی تورکیا لەلایەکی دیکە کردەوە.

جەبار ئەللعێبی وەزیری نەوتی عێراق لە لێدوانێکیدا بۆ ڕۆژنامەی (سەباح)ی فەرمیی عێراقی،  گوتی:  گفتوگۆکانی نێوان حکوومەتی عێراق و حکوومەتی هەرێمی کوردستان و لایەنی تورکی بەردەوامە، لە پێناو سەرلەنوێ هەناردەکردنەوەی نەوتی کەرکووک بۆ بەندەری جەیهان لە تورکیا.

ڕوونیشی کردووەتەوە کە بڕیاری دووبارە هەناردەکردنەوەی نەوتی کەرکووک، پشت بە ئەنجامی گفتوگۆکانی نێوان هەرسێ لایەن دەبەستێت.

جەختیشی کردووەتەوە کە بەغدا بەو مەبەستە لەگەڵ هەرێمی کوردستان گفتوگۆ دەکات، تاوەکوو نەوتی کەرکووک لە ڕێگەی بۆڕیی نەوتی کوردستانەوە ڕەوانەی بەندەرەکەی تورکیا بکات، چونکە بۆڕیی نەوتی کەرکووک بۆ تورکیا بەهۆی هێرشی تیرۆریستییەوە زیانێکی گەورە و وێرانکەری بەرکەوتووە.

وەزیری نەوتی عێراق ئاشکرای کردووە کە بەرهەمی ئێستای نەوتی کەرکووک دەگاتە ٢٢٠ هەزار بەرمیل نەوتی ڕۆژانە و سەرجەمی بەرهەمەکە بۆ پاڵاوگە ناوخۆییه‌كان ڕەوانە دەکرێت.

 





ئەم هەواڵە 1921جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad