English | عربی | Kurdî دواهەواڵ
ڕاستەوخۆ  
 
پورتوگال پێچه‌وانه‌ی ولاته‌كانی تر په‌نابه‌ر وه‌رده‌گرێت
2018-07-02 [07:30 AM]

ZNA- هه‌ولێر


له‌كاتێكدا زۆربه‌ی وڵاتانی ئه‌وروپا هه‌وڵ ده‌ده‌ن سنوورێك بۆ لێشاوی په‌نابه‌ران بۆ وڵاته‌كانیان دابنێن، پورتوگال تاكه‌ وڵاتی ئه‌وروپییه‌ كه‌ ئاره‌زووی ژماره‌یه‌كی زیاتری ئه‌و په‌نابه‌رانه‌ ده‌كات، كه‌ له‌ كیشوه‌ره‌ پیره‌كه‌ به‌دوای ژیانێكی باشتردا ده‌گه‌ڕێن.

ئه‌نتۆنیۆ كۆستا، سه‌رۆك وه‌زیرانی پورتوگال له‌ كۆنگره‌ی حزبی سۆسیالیست دووپاتیكرده‌وه، بۆ چاره‌سه‌ركردنی كیشه‌ی دیمۆگرافیای وڵاته‌كه‌ی، پێویستییان به‌ ژماره‌یه‌كی زیاتری په‌نابه‌ران هه‌یه‌ و جه‌ختی كرده‌وه‌، وڵاته‌كه‌ی هه‌موو ئه‌و لێدوانانه‌ ره‌ت ده‌كاته‌وه‌، كه‌ له‌دژی په‌نابه‌ران ده‌درێن.

هه‌روه‌ها دووپاتیكرده‌وه‌، ئه‌م هه‌فته‌یه‌ حكوومه‌تی پورتوگال هه‌ڵوێستێكی دیاری له‌باره‌ی ئه‌و بابه‌ته‌ نیشانداوه‌ و، تاكه‌ وڵاتیش بووه‌ كه‌ ئاره‌زووی ژماره‌یه‌ك له‌و په‌نابه‌رانه‌ی كردووه‌، كه‌ له‌لایه‌ن كه‌شتی "لایڤ لاین"ـی ئیسپانییه‌وه‌ له‌ ده‌ریای ناوه‌ڕاست رزگاركراون.

له‌لایه‌كی دیكه‌شه‌وه‌، وه‌زاره‌تی ده‌ره‌وه‌ی پورتوگال ئاماژه‌ی به‌وه‌ داوه‌، هه‌ڵبژاردنی ئه‌نتۆنیۆ ڤیتوریۆی سۆسیالیستی پورتوگالی له‌ رۆژی هه‌ینی وه‌ك به‌ڕێوه‌به‌ری نویی رێكخراوی كۆچ و كۆچبه‌رانی جیهان، به‌ڵگه‌یه‌كی ته‌واوه‌ له‌سه‌ر گرنگیدانی لیشبونه‌ به‌و دانوستان و گفتوگۆیانه‌ی له‌باره‌ی پرسی په‌نابه‌رانه‌وه‌ له‌ئارادان.

هه‌روه‌ها كۆنتی له‌و باوه‌ڕه‌دایه‌، یه‌كێك له‌ كاره‌ له‌پێشینه‌كانی بۆ چاره‌سه‌ركردنی كیشه‌ی دیمۆگرافیا كه‌ رووبه‌ڕووی وڵاته‌كه‌ی بووه‌ته‌وه‌، ئه‌وه‌یه‌ كه‌ پێویسته‌ ساڵانه‌ وڵاته‌كه‌ی 75 هه‌زار په‌نابه‌ری نوی وه‌ربگرێت، بۆئه‌وه‌ی ژماره‌ی دانیشتوان له‌ وڵاته‌كه‌یان سه‌قامگیر ببێته‌وه‌.





ئەم هەواڵە 4792جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad