English | عربی | Kurdî دواهەواڵ
ڕاستەوخۆ  
 
زیندانیه‌ك له‌ فه‌ره‌نسا به‌رێگه‌یه‌كی سه‌یر هه‌ڵدێت
2018-07-02 [07:38 AM]

​ZNA – هه‌ولێر


زیندانییەک لە یەکێک لە گرتووخانەکانی شاری پاریس هەڵهات و تا ئێستاش پۆلیس دەستگیری نەکردووە.

ماڵپەری بی بی سی بەریتانی بڵاویکردەوە، زیندانییەکە توانیویەتی لە گرتوخانەی (روو) لە پاریس هەڵبێت و دواتر بگاتە گۆڕەپانی گرتووخانەکە  و لەوێشدا لەلایەن سێ هاوڕێیەوە بە هێلیكۆپته‌ر بە دەست بەرزکراوەتەوە و چووەتە ناو هێلیكۆپته‌رەکەوە و هەڵهاتووە.

ئەوەشی ڕاگەیاند، پاسەوانەکانی گرتووخانەکە نەیانتوانیووە لەوکاتەدا تەقە لە زیندانییەکە بکەن، زیندانییەکە و هاوڕێکانی لە ماوەیەکی کورتدا توانیویانە هەڵبێن.

ئەوەش خڕاوەتەڕوو، دواتر فرۆکەکە نیشتۆتەوە بە ئۆتۆمبێلێک هەڵهاتوون بەڵام تا ئێستا پۆلیس بە دوایاندا دەگەرێت و دەستگیرنەکراون .

باسی لەوەش کردووە، زیندانییەکە ناوی ڕەزوان فایدە و بە ڕەچەڵەک جەزائیرییە و تەمەنی ٤٦ ساڵە و بە تاوانی دزیکردن و کوشتنی پۆلیسێکی ئافرەت لە ساڵی ڕابردوودا سزای ٢٥ ساڵ زیندانی بەسەردا سەپێنراوە.

ئاماژە بەوەش کراوە، ئەمە یەکەمجار نییە ناوبراو لە زیندان هەڵدێت و پێشتریش لە ساڵی ٢٠١٣دا لە زیندانێک لە باشووری فەڕەنسا توانی چوار لە پاسەوانەکان بە بارمتە بگرێت و دواتر لەوڕێگەوە بە یارمەتی هاوڕێکانی هەڵبێت بەڵام دواتر پۆلیسی فەڕەنسا دەستگیریکرد.

 

 





ئەم هەواڵە 2074جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad