English | عربی | Kurdî دواهەواڵ
ڕاستەوخۆ  
 
شەش هاووڵاتیی ئێرانی بەتۆمەتی کردەی تیرۆریستی دەستگیر کران
2018-07-03 [05:46 AM]

ZNA-هەولێر


داواکاری گشتیی بەلجیکا رایگەیاند، دوای پووچەڵکردنەوەی هێرشێکی تیرۆریستی بۆ سەر ئۆپۆزسیۆنی ئێران لە فەڕەنسا، شەش هاووڵاتی بەلجیکی بە رەچەڵەک ئێرانی لە بەلجیکا دەستگیرکران.

ڕۆژی دووشەممە2018/7/3، داواکاری گشتی بەلجیکا لە بەیاننامەیەکدا رایگەیاند، دوو کەس دەستگیرکران بەتۆمەتی پلاندانان بۆ بە ئامانجکردنی ئەندامان لە "رێکخراوی ئەنجومەنی نیشتمانی بۆ بەرهەڵستکارانی ئێران" ئۆپۆزسیۆن، کە بارەگاکەی لە پاریسە لە شەممەی رابردوو، ٣٠ حوزەیران.

داواکاری گشتی ڕاشیگەیاند، ئەو دوو کەسە یەکێکیان پیاوێکە تەمەنی ٣٨ ساڵە و ئەوی دیکەش ئافرەتێکە کە تەمەنی ٣٣ ساڵە، هەردووکیان هاووڵاتی بەلجیکین، بەڵام بە رەچەڵەک ئێرانین.

بە گوتەی داواکاری گشتیی بەلجیکا، ئەمیر و هاوسەرەکەی، کە بە رەچەڵەک ئێرانین، هەوڵیان داوە تەقینەوەیەک لە ناوچەی فیلپێنت لە پاریس لەکاتی کۆنگرەیەکی موجاهیدینی خەلق، ئەنجام بدەن. 

ئاماژەی بەوەشکردووە، دیپلۆماتکارێکی ئێرانی لە ڤیەننای پایتەختی نەمسا لە پەیوەندی دابووە لەگەڵ ئەو ژن و پیاوەی لە ناوچەیەکی برۆکسل لە وڵاتەکەی دەستگیر کران.

بەپێی زانیارییە بڵاو کراوەکان، سێ کەسی دیکەی بە رەچەڵەک ئێرانیش بەهەمان تۆمەت لە پاریس و دەوروبەری دەستگیر کراون.

پۆلیسی ناوخۆیی بەلجیکا رۆژی شەممەی رابردوو ئەو دوو تۆمەتبارەی بە ٥٠٠ گرام ماددەی بیرۆکسید ئەسیتۆن تەقێنەرەوە لە گەڕەکێکی برۆکسلی پایتەختی بەلجیکا دەستگیرکردوون.





ئەم هەواڵە 4126جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad