English | عربی | Kurdî دواهەواڵ
ڕاستەوخۆ  
 
نێچیرڤان بارزانی و شاندێكی ئه‌مه‌ریكی ڕه‌وشی ناوچه‌كه‌ تاوتوێ ده‌كه‌ن
2018-07-03 [11:53 AM]

ZNA – ھەولێر


نیوه‌ڕۆی ئه‌مڕۆ سێشه‌ممه‌ 3/7/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێزان لیندسی گراهام سیناتۆری ئه‌مه‌ریكی، دۆگڵاس سیلیمان باڵیۆزی ئه‌مه‌ریكا له‌ عێراق، كین گرۆس كونسولی گشتیی ئه‌مه‌ریكا له‌ هه‌رێمی كوردستان و شاندێكی دیپلۆماسی و سه‌ربازیی یاوه‌ریان كرد.

له‌ دیداریكدا مه‌به‌ستی سه‌ردانی شاندی میوان، پێشوازیكردن له‌ ژماره‌یه‌كی زۆری ئاواره‌ و په‌نابه‌رانی ده‌ستی تیرۆر له‌لایه‌ن خه‌ڵك و حكوومه‌تی هه‌رێمی كوردستانه‌وه‌، نه‌به‌ردییه‌كانی پێشمه‌رگه‌ له‌ نه‌هێشتنی ترس و هه‌ڕه‌شه‌ی داعش له‌سه‌ر سه‌رجه‌م پێكهاته‌كان و هاوكارییه‌ سه‌ربازی و مرۆییه‌كانی ئه‌مه‌ریكا بۆ هه‌رێمی كوردستان، خرانه‌ به‌ر باس و گفتوگۆ.

له‌ به‌شێكی دیكه‌ی كۆبوونه‌وه‌كه‌دا باس له‌ مافی پێكهاته‌ جیاوازه‌كان و ڕه‌خساندنی كه‌شێكی له‌بار بۆ گه‌ڕانه‌وه‌ی ئاواره‌كان بۆ سه‌ر زێدی خۆیان كرا و له‌مباره‌یه‌وه‌ به‌ڕێز نێچیرڤان بارزانی ئاماده‌ییی حكوومه‌تی هه‌رێمی كوردستانی بۆ هه‌ر هاوكاری و هه‌ماهه‌نگی و ئاسانكارییه‌ك نیشان دا.

سه‌باره‌ت به‌ پێكهێنانی كابینه‌ی نوێی حكوومه‌تی عێراقیش، به‌ڕێز سه‌رۆك وه‌زیران هیوای خواست پرۆسه‌ی سیاسی له‌ عێراق به‌ره‌وپێش بچێت و ئاماده‌ییی هه‌رێمی كوردستانی بۆ بوون به‌ به‌شێك له‌ پرۆسه‌ی سیاسی و چاره‌سه‌ری له‌ عێراق ده‌ربڕی به جۆرێك مافه‌كانی گه‌لی كورد و هه‌موو پێكهاته‌كانی دیكه‌ به‌پێی ده‌ستوور پارێزراو بێت.

تاوتوێكردنی ڕه‌وشی ناوچه‌كه‌ به‌گشتی و دۆخی سووریا و عێراق و هه‌نگاوه‌كان بۆ كۆنترۆڵكردنی جموجۆڵه‌كانی ئه‌م دواییه‌ی داعش به‌تایبه‌تی، لایه‌نێكی دیكه‌ی دیداره‌كه‌ بوو و له‌مباره‌یه‌وه‌ ڕۆڵی ئه‌مه‌ریكا به‌ گرنگ وه‌سف كرا.





ئەم هەواڵە 3508جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad