English | عربی | Kurdî دواهەواڵ
ڕاستەوخۆ  
 
سه‌رۆك وه‌زیران و كونسولی ئه‌ڵمانیا باسیان كابینه‌ی نوێی حكوومه‌ت و ڕۆڵی كوردستان كرد
2018-07-04 [10:59 AM]

ZNA - هه‌ولێر


سه‌رله‌به‌یانیی ئه‌مڕۆ چوارشه‌ممه‌ نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ كۆرت گیۆرگ شتوكل شتلفرید، كونسولی ئه‌ڵمانیا له‌ هه‌رێمی كوردستان و شاندێكی یاوه‌ری كرد كه‌ به‌مه‌به‌ستی كۆتاییهاتنی كاره‌كه‌ی و ماڵئاواییكردن سه‌ردانی به‌ڕێز سه‌رۆك وه‌زیرانی كردبوو.

 

له‌ دیدارێكدا شتلفرید سوپاسی داموده‌زگاكانی حكوومه‌تی هه‌رێمی كوردستانی كرد كه‌ له‌ ماوه‌ی كاركردنیدا هاوكاری و ئاسانكاریی زۆریان بۆ كردووه‌، ئاماژه‌ی به‌ په‌یوه‌ندییه‌كانی نێوان هه‌رێمی كوردستان و ئه‌ڵمانیاش كرد كه‌ له‌ ئاستێكی زۆر باشدان و هیوای په‌ره‌دانى زیاترى به‌ په‌یوه‌ندییه‌كان له‌ هه‌موو بواره‌كاندا خواست.

 

لای خۆیه‌وه‌ سه‌رۆك وه‌زیرانی هه‌رێمی كوردستان هیوای سه‌ركه‌وتنی بۆ به‌ڕێز شتلفرید له‌ كاری نوێیدا خواست و سوپاسی كرد كه‌ له‌ ماوه‌ی كاركردنیدا په‌ره‌ی زیاتری به‌ په‌یوه‌ندییه‌كانی نێوان هه‌رێمی كوردستان و ئه‌ڵمانیا داوه‌، خۆشحاڵیی خۆیشی بۆ ئاستی په‌یوه‌ندییه‌كانی نێوان هه‌رێمی كوردستان و ئه‌ڵمانیا نیشان دا و هیوای به‌ره‌وپێشچوونى زیاترى په‌یوه‌ندییه‌كانى خواست.

 

سه‌رۆك وه‌زیران سوپاسی حكوومه‌تی ئه‌ڵمانیای كرد كه‌ له‌ كاته‌ سه‌خته‌كاندا هاوكار و هاریكاری هه‌رێمی كوردستان بووه‌، سوپاسی ڕێكخراوه‌كانی ئه‌ڵمانیشی كرد به‌تایبه‌تی ڕێكخراوی GIZ بۆ هاوكارییكردنی ئاواره‌كان و پڕۆژه‌كانی په‌ره‌پێدان له‌ هه‌رێمی كوردستان.

 

تاوتوێكردنی پرۆسه‌ی سیاسی له‌ عێراق و پێكهێنانی كابینه‌ی نوێی حكوومه‌ت و ڕۆڵی كوردستان له‌و كابینه‌یه‌دا لایه‌نێكی دیكه‌ی دیداه‌ركه‌ بوو، له‌مباره‌یه‌وه‌ به‌ڕێز نێچیرڤان بارزانی هیوای خواست كابینه‌ی نوێی حكوومه‌ت به‌ زووترین كات پێكبهێنرێت تاكو بپڕژێته‌ سه‌ر خزمه‌تكردنی خه‌ڵك و چاره‌سه‌ركردنی كێشه‌كان.





ئەم هەواڵە 2932جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad