English | عربی | Kurdî دواهەواڵ
ڕاستەوخۆ  
 
نێچیرڤان بارزانی و شاندێكی UNHCR كۆبوونه‌وه‌
2018-07-05 [09:41 AM]

ZNA-هەولێر


پێشنیوه‌ڕۆی ئه‌مڕۆ پێنجشه‌ممه‌ 5/7/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێزان ئه‌مین عه‌واد به‌رپرسی ڕۆژهه‌ڵاتی ناوه‌ڕاست و باكووری  ئافریكاى كۆمسیۆنی باڵای په‌نابه‌رانی سه‌ر به‌ نه‌ته‌وه‌ یه‌كگرتووه‌كان UNHCR و برۆنۆ گیدۆ به‌رپرسی كۆمسیۆن له‌ عێراق و شاندێكی یاوه‌ریان كرد.

له‌ دیدارێكدا به‌ڕێز عه‌واد سوپاسی خه‌ڵك و حكوومه‌تی هه‌رێمی كوردستانی كرد بۆ پێشوازیكردن و دابینكردنی شوێنى حه‌وانه‌وه‌ بۆ ئاواره‌ و په‌نابه‌ران و پێشكه‌شكردنی هاوكاری و خزمه‌تگوزاریی پێویست بۆیان، هه‌روه‌ها تیشكی خسته‌ سه‌ر پلانی ئاژانسه‌كه‌یان به‌مه‌به‌ستی گه‌ڕاندنه‌وه‌ى ئاواره‌كان بۆ سه‌ر زێدی خۆیان و باشتركردنی ژیانی په‌نابه‌ران له‌ناو كه‌مپه‌كاندا.

لای خۆیه‌وه‌ به‌رێز سه‌ر‌ۆك وه‌زیرانی هه‌رێمی كوردستان سوپاسی ئاژانسه‌كه‌یانی كرد بۆ گه‌یاندنی هاوكاری به‌ ئاواره‌ و په‌نابه‌ران و هه‌ماهه‌نگی و هاریكارییان له‌گه‌ڵ داموده‌زگاكانی حكوومه‌تی هه‌رێمی كوردستاندا، ئاماده‌یی حكوومه‌تیشى بۆ هه‌ر هاوكاری و هه‌ماهه‌نگییه‌ك له‌گه‌ڵ حكوومه‌تی عێراق و UNHCR نیشان دا به‌مه‌به‌ستی گه‌ڕاندنه‌وه‌ی ئاواره‌كان بۆ زێدی خۆیان پاش ئه‌وه‌ى متمانه‌یان بۆ ده‌گه‌ڕێته‌وه‌ و ئاسایشى ناوچه‌كانیان سه‌قامگیر ده‌بێت. شاندی میوان ئه‌م هاوكاری و ئاسانكارییانه‌ی به‌ڕێز سه‌رۆك وه‌زیرانی هه‌رێمی كوردستانیان به‌رز نرخاند و سوپاسیان كرد.





ئەم هەواڵە 4447جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad