English | عربی | Kurdî دواهەواڵ
ڕاستەوخۆ  
 
وتەبێژی پارتی: پارتی شایستەی ئەوەیە پۆستی سەرۆک کۆمار دیاریی بکات
2018-07-07 [08:48 AM]

ZNA - هه‌ولێر


كۆبوونه‌وه‌ی ئه‌نجوومه‌نی سه‌ركردایه‌تی پارتی كۆتاییهات و بڕیاریدا ئاماده‌كارییه‌ حزبییه‌كان بۆ هه‌ڵبژاردنه‌كان فراوانتر بكات و له‌گه‌ڵ ئه‌وه‌شدایه‌ كه‌ هه‌ڵبژاردنی په‌رله‌مانی كوردستان له‌ كاتی خۆیدا بكرێت.

مه‌حموود محه‌مه‌د گوته‌بێژی پارتی دیموكراتی كوردستان له‌ كۆنگره‌یه‌كی رۆژنامه‌وانیدا رایگەیاند: "بارودۆخی سیاسی ئێستا و هه‌ڵبژاردنی ئه‌نجوومه‌نی نوێنه‌رانی عێراق و ده‌رهاوێشته‌كانی و په‌یوه‌ندییه‌كانمان له‌گه‌ڵ ده‌ره‌وه‌و هه‌ڵبژاردنی په‌رله‌مانی كوردستان كه‌ بڕیار 30/9 ئه‌نجام بدرێت و بارودۆخی ناوخۆیی حزب گفتوگۆی له‌سه‌ر كراوه‌، بۆشاییه‌ك له‌ مه‌كته‌بی سیاسیش هه‌بوو پڕكرایه‌وه‌و عاف ته‌یفوور كرایه‌ ئه‌ندامی مه‌كته‌بی سیاسی.

ده‌رباره‌ی داواكردنی دواخستنی هه‌ڵبژاردن له‌ سه‌رۆكی حكوومه‌ت و پارتی، مه‌حموود محه‌مه‌د ئاماژەی بەوەدا: "بارودۆخه‌كه‌ پێویستی به‌وه‌یه‌ هه‌ڵبژاردن له‌ كاتی خۆیدا بكرێت بۆ ئه‌وه‌ی په‌رله‌مان كارابكرێت و لەوانەشە ببێته‌ هۆی چاره‌سه‌ری به‌شێكی كێشه‌كان".

وته‌بێژی پارتی ئاشكرایكرد كه‌ : "له‌گه‌ڵ یه‌كێتی رێككه‌وتووین لیژنه‌یه‌كی هاوبه‌ش بچێته‌ به‌غدا و پارتی و یه‌كێتی به‌رنامه‌یه‌كی هاوبه‌ش ئاماده‌ بكه‌ن و پێكه‌وه‌ به‌شداریی بكه‌ن.

ده‌رباره‌ی گۆڕانكارییه‌ ناوخۆییه‌كانی ناو پارتی، مه‌حموود محه‌مه‌د ئەوەی خستەروو: "پێویستی به‌ دیراسه‌یه‌ تا بزانین له‌ كوێدا پێویست به‌ گۆڕانكاریی هه‌یه‌ و كێشه‌كان چین. بۆ ئه‌و مه‌به‌سته‌ش ئه‌نجوومه‌نی سه‌ركردایه‌تی ده‌سه‌ڵاته‌كانی خۆی داوه‌ته‌ سه‌رۆك بارزانی و مه‌كته‌بی سیاسی".

ده‌رباره‌ی پۆستی سه‌رۆككۆماری عێراقیش گووتی: "ئه‌مجاره‌ مافی پارتییه‌ پۆستی سه‌رۆككۆمار دیاری بكات و شایسته‌ی ئه‌وه‌یه‌ پۆسته‌كه‌ وه‌ربگرێت".





ئەم هەواڵە 1390جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad