English | عربی | Kurdî دواهەواڵ
ڕاستەوخۆ  
 
پێشمەرگە ب خیانەتکارا نازڤریتەڤ کەرکووکێ
2018-07-07 [10:54 AM]

نڤیسینا : غیاس خالد زێباری


پشتی ب ھاریکاری و پالپشتیا گرۆپێ خیانەتکارێن ھندەک سەرکردە و فەرماندێن ئێکەتیێ باژارێ کەرکووک و دەڤەرێن دیتر یێن کوردستانێ یێن دەرڤەی ئیدارا ھەرێما کوردستانێ کو سنوورێ ماددێ سەد و چلێ دەستوورينه ، ژلایێ حەشدا شەعبی ب پشکداریا پاسدارێن ئیرانێ ل پیلانا خیانەتکاریا شازدێ ئکتۆبەرا سالا ٢٠١٧ ھاتینە داگیرکرن . 

سەرەرای شەھیدبوونا و دەربدەرکرنا ب ھزارا خەلکێ کوردستانێ یێن وان دەڤەرا و تێکچوونا رەوشا ئارامیا کەرکووکێ و دەسپێکرنەکا قوناغەکا دیترا بعەرەبکرنا رێکخستی ، سازیێن راگەھاندنا یێن بن سێبەرا فەرمانێن وان خیانەتکاران ،دیار دکر کو کەرکووک باژارەکێ ئارامە و چ مەترسی لسەر خەلکێ وێ نینە ،  نھو پشتی ھەمی پیلان و درەوێن وان ھاتینە سەر بەرکێ و ھەمی خەلکێ کوردپەروە پێ ھایدار بووی ، ڤێ گرۆپێ خیانەتکار دەست ب ھەوەکا بەرفرەە کریە ل سازیێن خۆ یێن راگەھاندنێ کۆ وان گاڤێن باش ھاڤێتینە بۆ زڤراندنا پێشمەرگەھی بۆ کەرکووکێ و لڤان نێزیکان دێ بەرنامێ وان سەرگریت و پێشمەرگەە زڤریتە کەرکووکێ . 

براستی جھێ حیبەتیێ یە ئەڤ خیانەتکارێن بووینە ئەگەرێن داگیرکرنا پشکەکا زۆرا ئاخا پیرۆزا کوردستانێ و بووینە رێ نیشادەر بۆ داگیرکاران ، ئەڤرۆ ھێزێن داگیرکەر دەربکەنەڤە ...! 
چونکی ھەر ئەو خیانەتکار بوون ئەوێن شانازی ب داگیرکرنا کەرکووکێ دکر و بڤێ ھەلکەفتێ باشترین جورێن شرینیا ل باژارێ سلێمانێ دبرە کەرکووکێ و بسەر فەرماندە و سیاسیێن داگیرکەرا دابەش کر ..! 
ھەر ئەو سەرانێن خائینێن دناڤ ئێکەتیێ دا بوون داخاز ل فەرماندێن حەشدا شەعبی و لەشکرێ عیراقێ دکر ، بەردەوامیێ بدەنە داگیرکرنا کوردستانێ ھەتا دگەھنە ئیبراھیم خەلیل ..! ئانکۆ ھەرێما کوردستانێ ب تەمامی داگیر بکەن و بکەڤیتە بن دەسھەلاتا حەشدا شیعی و ھەیمەنەتا ئیرانێ و قەوارێ ھەرێما کوردستانێ نەمینیت ..! بۆچی ھەتا ئیبراھیم خەلیل ، بۆچی بەرەڤ سلێمانیێ نە ، چونکی دەڤەرێن بن دەسھەلاتا وان بخۆ د داگیرکرینە نە ژلایێ ھزری ..!  ئەرێ چەوا ئەڤ خیانەتکارە دێ شێن کەرکووکێ و دەڤەرێن دیتر رزگار کەنەڤە و پێشمەرگەھی زڤرینن ..! 
ھەمی خەلکێ نەتەوە پەروەرێن کورد و دوست و دوژمنێن کوردان ژی دزانن ، ھەر گاڤەکا زڤراندنا پێشمەرگەھی بۆ کەرکووکێ و زڤراندنا دەڤەرێن کوردستانی یێن دەرڤەی ئیدارا ھەرێما کوردستانێ ب پارتی دیموکراتی کوردستان و سەرۆک مەسعود بارزانی و سەرۆکێ حکومەتا ھەرێما کوردستانێ دێ سەرگریت ، چونکی پارتی دیموکراتی کوردستان و سەرۆک بارزانی و سەرۆکێ حکومەتا ھەرێما کوردستانێ کاک نێچیرڤان بارزانی بوون ، بەرسینگێ لەشکرێن داگیرکەرا گرتی و داستانێن ھەرە مەزن تۆمارکرین و دوژمن نەچارکری بخۆدا بچیتەڤە و ل سنووره‌كێ راوەستیت ، چونکی زانی ئیرادا پارتی و پێشمەرگەھێن وێ ل ھێزا وان یا چەکداری و دیڤەلانکێن وان بھێزترە و نەشێن مەرامێن خۆ بجە بئینن ، چونکی پرانیا خەلکێ کوردستانێ دگەل سەرۆک بارزانی و پارتی دایە ، یێن بەرھەڤن خۆ بکەنە قوربانی ، لێ د بەرھەڤ نینە خۆ بۆ دوژمنا بچەمینن و بن سێبەرا ئاڵایێ داگیرکاریێ بمینن و دەرسکەفتێن نشتیمانی و سیاسی و ئیداری ئەوێن خەلکێ کوردستانێ چەندین سالە قوربانیا بۆ ددەت ژناڤ بچن . 

پارتی دیموکراتی کوردستان و سەروک بارزانی و حکومەتا ھەرێما کوردستانێ ، ھەمی کانالێن لەشکری و سیاسی و دبلۆماسی بکارئیناینە و بکار دئینیت بۆ رزگارکرنەڤا کەرکووکێ و دەڤەرێن دیتر یێن داگیرکری چ دگەل حکومەتا عیراقێ یا ھێزێن ھەڤپەیمان و سازیێن نیڤ دەولەتێ ب ئاشتیانە و دیالۆگێ . 

ھەر سەروک بارزانی و پارتی بوو دگۆت بڤی داگیرکرنێ و بێ پێشمەرگەە و ھێزێن ئێمناھیێن کوردستانێ رەوشا وان دەڤەران یا دمەترسیێ دا و داعش یا رێکخستنێن دیترێن تیرۆرستی دێ سەرھەلدەنەڤە و ھێزێن داگیرکەرا و تائیفەگەری شیانێن پاراستنێ نینە ، ھەر گاڤەکا بھێتە ھاڤێتن بۆ زڤراندنا کەرکووکێ و دەڤەرێن دیتر بۆ سەردەمێ پێش خیانەتا شازدێ ئیکتۆبەرا سالا ٢٠١٧ دێ ب پارتی و حکومەتا ھەرێما کوردستانێ بیت ، نەک سەرانێن خیانەتکارێن دناڤ ئێکەتیێ دا ئەوێن ئەڤ کارەساتە بسەرێ خەلکێ کوردستانێ ئینای و دۆزا سیاسی و قەوارێ ھەرێما کوردستانێ ئێخستیە د مەترسیێ دا ، حکومەتا عیراقێ و ھەڤپەیمان و سازیێن نیڤ دەولەتی ژی ڤێ راستیێ دزانن ، بۆ ھەر گاڤەکا زڤراندنا پێشمەرگەی بۆ وان دەڤەرێن کوردستانی ئەوێن ژبەر خیانەتا شازدێ ئکتۆبەرێ ھاتینە داگیرکرن و ڤەگەراندنا رەوشا وان دەڤەرا بۆ بەری وان روودانا دێ دانۆستاندنا دگەل پارتی و حکومەتا ھەرێما کوردستانێ کەن ،  بەری ھەمیا سەرۆک مەسعود بارزانی و سەرۆکێ حکومەتا ھەرتێما کوردستانێ نەک وی گۆرپێ خیانەتکار ھەر وەکی ئەو بانگەشێ بۆ دکەن .





ئەم هەواڵە 835جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad