English | عربی | Kurdî دواهەواڵ
ڕاستەوخۆ  
 
ژاپۆن... ده‌یان كه‌س بێ سه‌روشوێن بوون
2018-07-07 [02:24 AM]

ZNA - هه‌ولێر


به‌هۆى بارانبارين و باى به‌هێزه‌وه‌ ده‌یان هاوڵاتى ژاپۆنی بێسه‌روشوێن بوون، لافاویش چه‌ند شوێنێكى ئه‌و وڵاته‌ى گرتۆته‌وه‌ و كارگه‌كانی ئۆتۆمبێلیش كاره‌كانیان وه‌ستاندوه‌.

كه‌ناڵی "NHQ" ژاپۆنی ئه‌مڕۆ شه‌ممه‌ رايگه‌ياند، له‌ چه‌ند ناوچه‌يه‌كى وڵات بارانبارين بووه‌ته ‌هۆى مردنى 38 كه‌س و بێسه‌روشوێن بوونى 50 كه‌سى تريش، كه‌ بارودۆخى چوريان خراپه‌.

به‌پێى هه‌واڵى ئاژانسه‌ جيهانييه‌كان، ده‌سته‌ى كه‌شناسى ژاپۆن، له‌ بارانبارين و دروستبوونى بارانى زۆر له‌ چه‌ند ناوچه‌يه‌كى دياريكراوى وڵات و هه‌ڵكردنى باى به‌هێز له‌گه‌ڵيدا هێشتا هۆشدارى ده‌داته‌ دانيشتوانى وڵاته‌كه‌ى.

هه‌روه‌ها به‌پێى وته‌ى به‌رپرسانى ئاژانسى رووبه‌ڕووبوونه‌وه‌ى ئاگر و كاره‌ساته‌ سه‌روشتييه‌كانى ژاپۆن، فه‌رمان بۆ زياتر شه‌ش مليۆن و 100 هه‌زار كه‌س ده‌ركراوه‌ له‌به‌ر مه‌ترسى دروستبوونى لافاو و داڕووخانى زه‌وى ماڵه‌كانيان به‌جێبهێڵن، رێنمايىش بۆ زياتر مليۆنێك و سێ سه‌د هه‌زار كه‌سى دیكه‌ بۆ به‌جێهێشتنى ناوچه‌كانيان ده‌ركراوه‌.

به‌پێى وته‌ى يوشيهيديى سوجا گه‌وره‌ى ئه‌مينداره‌كاره‌كانى ئه‌نجومه‌نى وه‌زيرانى يابان، كه‌ زياتر له‌ 48 هه‌زار پۆليس و پياوانى ئاگركوژێنه‌وه‌ و هێزه‌ مه‌ده‌نييه‌كان بڵاوه‌يان پێكراوه‌ بۆ مامه‌ڵه‌كردن له‌گه‌ڵ بارودۆخه‌كه‌ و فریاگوزاری هاوڵاتـيان.

ئاژانسه‌كان باس له‌وه‌ ده‌كه‌ن، كه‌ كۆمپانيا پيشه‌سازييه‌ گه‌وره‌كانى ئه‌و وڵاته‌ به‌هۆى خراپى بارودخه‌كه‌وه‌، به‌تايبه‌ت كارگه‌كانى به‌رهه‌مهێنانى ئۆتۆمبيل له‌به‌ر پاراستنى گيانى كرێكار و كارمه‌ندانيان كارگه‌كانيان راگرتووه‌.





ئەم هەواڵە 3931جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad