English | عربی | Kurdî دواهەواڵ
ڕاستەوخۆ  
 
هاوپه‌یمانان ره‌تی ده‌كه‌نه‌وه‌ بكشێنه‌وه‌ له‌ سوریا
2018-07-08 [07:42 AM]

ZNA – هه‌ولێر


فەرماندەی هێزەکانی هاوپەیمانیی نێودەوڵەتی دژی رێکخراوی تیرۆریستی داعش رایدەگەیەنێت، کە هێزەکانیان لە سووریا ناکشێنەوە.

جێیمس گیرارد، فەرماندەی ئۆپەراسیۆنە تایبەتەکانی هاوپەیمانیی نێودەوڵەتی بە کەناڵی ئەلعەرەبییە ی راگەیاندووە، سەرەڕای رزگارکردنەوەی چەند ناوچەیەک لەلایەن هێزەکانی سووریای دیموکراتی (هەسەدە)ـەوە، بەڵام ”هێشتا مەترسیی داعش لە سووریا ماوە.

گیرارد هەروەها رایگەیاندووە، هاوپەیمانییەکە دەیەوێ ئاسایش بۆ خەڵکی رەققە و منبج بگەڕێتەوە و کارمەندانی هێزە ئەمنییەکان لە رۆژئاوای کوردستان توانای ئەوەیان هەبێ گەرەنتیی دووبارە سەرهەڵنەدانەوەی داعش بکەن.

ئەو فەرماندەیەی هاوپەیمانان ئاماژەی بەوەش کردووە، کە تا مەترسیی داعش لە رۆژئاوای کوردستان و باکووری سووریا مابێ هێزەکانی هاوپەیمانیی نێودەوڵەتی لەو ناوچانە ناکشێنەوە.

جێیمس گیرارد پێشی وایە ئێران لە سووریا رۆڵی ”پاڵپشتیی تیرۆر“ دەگێڕێت و هاوپەیمانانیش کۆکن لەسەر ئەوەی مانەوەی هێز و میلیشیا ئێرانییەکان مایەی ناسەقامگیرین لە سووریا.

 

 





ئەم هەواڵە 4810جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad