English | عربی | Kurdî دواهەواڵ
ڕاستەوخۆ  
 
بەهۆی وەرگەڕانی شەمەندەفرێک سەدان کەس دەبنە قوربانی
2018-07-09 [06:06 AM]

ZNA-هەولێر


دوای ئەوەی‌ شەمەندەفەرێک لە تورکیا بە 362 سەرنشینەوە  لە سەر رێڕەوی خۆی دەرچوو و وەرگەڕا،  بەو هۆیەوە 24 کەس گیانیانلەدەستداوە و 184 کەسیش برینداربوون.

وەزیری تەندروستی‌ تورکیا رایگەیاندووە، هەر لە دوای رووداوەکە تیمەکانی‌ فریاگوزاری گەیشتوونەتە  شوێنی‌ رووداوەکە و بریندارەکانیان گواستووەتەوە بۆ نەخۆشخانە و دەرکەوتووە کە 24 کەس گیانیان لەدەستداوە.

هاوکات وەزارەتی گواستنەوەی تورکیا لە بارەی رووداوەکە رایگەیاندووە، بەھۆی بارینی بارانێکی بەخوڕ، خۆڵی نێوان رێڕەوی شەمەندەفەر و مەنفەزەکان رۆچووە و، بەم ھۆیەوەش رووداوەکەی لێکەوتووەتەوە. 

ئاماژە بەوەشکراوە، شەمەندەفەره‌کە شەش فارگۆنی بووە و بە 362 نەفەر و شەش کارمەندەوە لە 162 ەمین کیلۆمەتری رێگای نێوان چۆرلو- بالابانلی لە کاتژمێر پێنجی ئێوارەی دوێنێ لە رێڕەوی خۆی دەرچووە و بەم ھۆیەوەش پێنج فارگۆن وەڕگەڕاون. 

ئەوەش خراوەتەڕوو، کە ھەر سێ وەزارەتی تەندروستی، ناوخۆ و گەیاندن و گواستنەوە و دەریاوانی لە چوارچێوەی ھەماھەنگی کار دەکەن و ھێلیکۆپتەری فریاگوزاری وەزارەتی تەندروستی و ھێلیکۆپتەری فریاکەوتنی وەزارەتی ناوخۆ گەیشتوونەتە ناوچەکە.





ئەم هەواڵە 1507جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad