English | عربی | Kurdî دواهەواڵ
ڕاستەوخۆ  
 
سەرۆک بارزانی: پێویستە ھاوپەیمانێتییەکی ھەمەلایەنە لەسەر بنەمای شەراکەت و تەوافوق و ھاوسەنگی دروست بکرێت
2018-07-09 [01:15 AM]

ZNA- هەولێر


 

سەرۆک بارزانی پێشوازی لە نێردەی تایبەتی سەرۆکی ئەمەریکا بۆ ھاوپەیمانێتیی نێودەوڵەتی دژی داعش کرد و لە دیدارکەدا سەرۆک بارزانی رایگەیاد، لەپێناو دووبارەنەبوونەوەی ھەڵەکانی ڕابردوو و گەییشتن بە شەراکەتی ڕاستەقینە پێویستە ھاوپەیمانێتییەکی ھەمە لایەنە لەسەر بنەمای شەراکەت و تەوافوق و ھاوسەنگی بە ھەموو وردەکارییەکانییەوە دروست بکرێت و میکانیزم و سەقفی زەمەنیش بۆ جێبەجێکردنی ئەو سێ پڕەنسیپە دابنرێت بۆ ئەوەی ھەموو پێکھاتەکان ھەست بەوە بکەن کە لە پڕۆسەی سیاسیی عێراقدا شەریکن و ھەر لەژێر ڕۆشنایی ئەو سێ پڕەنسیپەیشدا حکوومەت پێکبھێنرێت.

 

ئەمڕۆ لە سەلاحەددین سەرۆک مەسعوود بارزانی پێشوازی لە بڕێت مەکگورک نێردەی تایبەتی سەرۆکی ئەمەریکا بۆ ھاوپەیمانێتیی نێودەوڵەتی دژی داعش و شاندێکی یاوەری کرد کە پێکھاتبوو لە دۆگڵاس سلیمان باڵیۆزی ئەمەریکا لە عێراق و کین گرووس کونسوڵی ئەمەریکا لە ھەولێر.

 

لە دیدارەکەدا بیروڕا لەبارەی دوایین پێشھاتە سیاسییەکانی ناوچەکە و ھەروەھا بارودۆخی سووریا و نیگەرانییەکان لەبارەی ئاییندەی گەلی کورد لە سووریا ئاڵوگۆڕ کرا و نێردەی تایبەتی سەرۆکی ئەمەریکا بۆ ھاوپەیمانێتیی نێودەوڵەتی دژی داعش سیاسەتی وڵاتەکەی لەمەڕ گۆڕانکارییە ھەرێمایەتی و دەولییەکان و ڕەوشی سیاسی و ئەمنیی سووریا خستەڕوو.

 

بارودۆخی سیاسیی عێراق لە دوای ھەڵبژاردن و ھەوڵەکانی پێکھێنانی حکوومەتی تازەی عێراق تەوەرێکی دیکەی ئەو دیدارە بوو و تێیدا سەرۆک بارزانی ئەوەی دووپاتکردەوە کە لەپێناو دووبارەنەبوونەوەی ھەڵەکانی ڕابردوو و گەییشتن بە شەراکەتی ڕاستەقینە پێویستە ھاوپەیمانێتییەکی ھەمە لایەنە لەسەر بنەمای شەراکەت و تەوافوق و ھاوسەنگی بە ھەموو وردەکارییەکانییەوە دروست بکرێت و میکانیزم و سەقفی زەمەنیش بۆ جێبەجێکردنی ئەو سێ پڕەنسیپە دابنرێت بۆ ئەوەی ھەموو پێکھاتەکان ھەست بەوە بکەن کە لە پڕۆسەی سیاسیی عێراقدا شەریکن و ھەر لەژێر ڕۆشنایی ئەو سێ پڕەنسیپەیشدا حکوومەت پێکبھێنرێت.

 

لە بەشێکی تری ئەو کۆبوونەوەیەدا نێردەی تایبەتی سەرۆکی ئەمەریکا بۆ ھاوپەیمانێتیی نێودەوڵەتی دژی داعش ڕایگەیاند کە وڵاتەکەی بەردەوام دەبێ لە یارمەتیدانی عێراق و ھەرێمی کوردستان و ئەوەیشی خستەڕوو کە دەرفەتی زۆر بۆ کاری ھاوبەش ھەیە لەپێناو بەدیھێنانی سەقامگیری و متمانە.





ئەم هەواڵە 11806جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad