English | عربی | Kurdî دواهەواڵ
ڕاستەوخۆ  
 
قائیمقامی سلێمانی: تەنھا سەدا٥ی ئەو منداڵانەی سواڵ دەکەن خەڵکی سلێمانین
2018-07-10 [10:56 AM]

ZNA- سلێمانی


 

لە سلێمانی بە ھەماھەنگی لایەنە پەیوەندیدارەکان بە بەرنامەیەکی تۆکمەوە کار بۆ نەھێشتنی دیاردەی سواڵکردن بە منداڵای خوار ١٨ ساڵ دەکرێت، قائیمقامی سلێمانیش رایدەگەیەنێت تەنھا رێژەی لەسەدا پێنج ئەو مناڵانەی سواڵ دەکەن خەڵکی سلێمانین.

 

ئەمرۆ ٣ شەممە ١٠/٧  ئاوات محەمەد قائیمقامی سلێمانی لە دیوانی قائیمقامییەت لەگەڵ نوێنەرانی ھەریەک لە ( داواکاری گشتی، دادوەری نەوجەوانان ، یەکێتی زانایانی ئاینی، ئاسایشی سلێمانی، پۆلیسی نەوجەوانان، رێکخراوی منداڵپارێز، چاودێری کۆمەڵایەتی) کۆبوویەوە،

 

لایەنە بەشداربووەکانی کۆبوونەوەکە بەچری گفتوگۆیانکرد لەبارەی دانانی چەند میکانیزمێکی گونجاو بۆ رووبەرووبوونەوەی دیاردەی ئیشکردن و سواڵکردن بە منداڵانی نەوجەوان چۆنییەتی کۆنترۆڵکردنی ئەو دیاردەیە ، پاشان ئاوات محەمەد ناوەرۆک و بریاری کۆبوونەوەکەی لەکۆنگرەیەکی رۆژنامەوانیدا خستە روو و رایگەیاند: لە ماوەی ٦ مانگی رابردوودا لە لایەن پۆلیسی نەوجەوانان و دادوەری گشتی و مناڵپارێزەوە ٢٣٥ منداڵ بەھۆی سواڵکردنەوە گیراون، بۆ زاڵبوونیش بەسەر ئەو دیاردەیە، بریاردراوە بە ھەماھەنگیکردن لەگەڵ رێکخراوی نەتەوەیەکگرتووەکان و رێکخراوە ناوخۆییەکان و لایەنە پەیوەندیدارەکان لەداھاتوودا کۆبوونەوەیەک ئەنجامبدرێت بۆ دانانی بەرنامەیەکی توندوتوڵ و گونجاو کە بتوانێت رێگری بکات لە زۆربوونی ئەو دیاردەیە.

 

لە بەشێکی تری گۆنگرەکەدا قائیمقامی سلێمانی ئاماژەی بۆ ئەوەکرد کە  ئەو منداڵانەی لە فولکە و شەقام و شوێنە گشتییەکاندا سوڵدەکەن تەنھا رێژەی ٥% ی خەڵکی سلێمانین و رێژەی ٩٥% ئاوارەن و خەڵکی شارەکانی تری عیراقن، ووتیشی ھەموو ھەوڵێک ئەدەین بۆنەھێستن و کەمکردنەوەی ئەو دیاردەیە.





ئەم هەواڵە 4234جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad