English | عربی | Kurdî دواهەواڵ
ڕاستەوخۆ  
 
کۆمسیۆنی هەولێر: زیاتر لە یەک ملیۆن کەس مافی دەنگدانیان هەیە
2018-07-12 [08:28 AM]

ZNA-هه‌ولێر


فەرمانگەی ھەولێری کۆمسیۆنی باڵای سەربەخۆی ھەڵبژاردن و ڕاپرسی ڕایگەیاند، زیاتر لە یەک ملیۆن کەس مافی دەنگدانیان ھەیە و  ٧٦  ناوەند بۆ نوێکردنەوەی ناوی دەنگدەران لە پارێزگای ھەولێر کرانەتەوە.

ئارام نەجمەدین بەرپرسی فەرمانگەی ھەولێری کۆمسیۆنی ھەڵبژاردن و ڕاپرسی ھەرێم لە کۆنفرانسێکی رۆژنامەوانیدا  گووتی، ٧٦ بنکە لە سنوری ھەولێر ھەن کە ٣٦ بنکەیان لە ناوەندی ھەولێرن بۆ نوێکردنەوەی ناوی دەنگدەران.

ئاماژەی بەوەش کرد، یەک ملیۆن و ١١٢ ھەزار و ٣١٢ کەس مافی دەنگدانیان ھەیە لە ھەولێر.

گووتیشی، نوێنەری لایەنەکان دەتوانن لە ناوەندەکانی نوێکردنەوە ئامادە بن و لەدوای ئەم مانگەوە ھیچ ھێز و لایەنێک بۆی نییە تانە لە تۆمارەکە بدات ئەگەر لەم مانگەدا نەھات.

ھەروەھا گووتی، تۆماری ھەرێم لەوەی بەغدا جیاوازە و ھەندێک جار دەنگدەر ناوی لە شوێنی پێشوو نییە بۆیە دەبێت ئاگادار بن.

ڕاشیگەیاند، ھیچ کەس لە مادەی ١٤٠ ناتوانیت دەنگ بدات و ھیچ کەسێکی مادەی ١٤٠ ناوی لە تۆمارەکەدا نییە.

ئەوەش لەکاتێکدایە بڕیارە ڕۆژی ٣٠ی ئەیلولی ئەمساڵ ھەڵبژاردنی پەرلەمانی کوردستان بەڕێوەبچێت و کۆمسیۆنیش ئامادەکارییەکانی دەستپێکردووە.





ئەم هەواڵە 4054جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad