English | عربی | Kurdî دواهەواڵ
ڕاستەوخۆ  
 
پارتی چ دڤێت و ھۆن چ دکەن ...!
2018-07-12 [11:06 AM]

نڤیسینا : غیاس خالد زێباری


پارتی دیموکراتی کوردستان وەک کەڤنترین و مەزنترین پارتیا کوردستانێ ، ئەو پارتی یە ئەوا لسەر دەستێ بارزانی نەمر ھاتیە دامەزراندن و لسەر فەلسەفە و رێبازا وی یا پیرۆز بەردەوامی ب خەبات و تێکوشانێ ددەت ، ژ پرنسیپ و بەرنامێن پێشینەیێن پارتی ئێکگرتن و ئێک رێزیا ھێزێن کوردستانی و گەلێ کوردستانێ یە ژبووی گەھشتن ب ماف و ئارمانجێن ڕەوا و ئازادی و رزگاریا کورد و کوردستانێ و خورتکرنا پەیوەندیێن دناڤبەرا بەشێن دیترێن کوردستانێ لسەر بنەمایێ پاراستنا بەرژەوەندێن نەتەوی و نشتیمانی وجڤاکی و دارشتنا بەرنامەیەکێ گشتگیر و بۆ رێکا بزاڤا رزگاریخوازیا کوردستانێ قوناغ ب قوناغ ، ب درێژاھیا خەباتا خۆ پارتی لسەر ڤی بنەمایەی چوویە و لەوما یا سەرکەفتی بوویە ، لەوما ھەردەم پارتی نیشان و ئارمانجا دوژمن و داگیرکارا و خۆ فرۆشا بوویە و ھەردەم پیلانێن ناڤخۆیی و ھەرێمایەتی و نیڤ دەولەتی بۆ ھاتینە دارشتن ، لێ ژبەرکۆ پارتی ل کۆراتیا گەل و جڤاکێ کوردستانێ ھەلکەفتیە و ب پشتەڤانیا وان ژی بسەر ڤان پیلانان دا زاڵ بوویە ، ئەڤرۆ ژی دەمێ ل دوور را چاڤدێریا بزاڤ و چالاکی و دیدارێن سەرۆک بارزانی و سەرۆکێ حکومەتا ھەرێما کوردستانێ رێزدار نێچیرڤان بارزانی و پلەدارێن دیترێن پارتی دکەین دگەل بەرپرس و پلەدارێن وەلاتێن ھەرێمی و نیڤ دەولەتی ، داکۆکی لسەر ڤان خالێن مە بەرچاڤ کری دھێتە کرن . 

ئەگەر دوور نەچین ل کۆمبوونا جەنابێ سەرۆک مەسعود بارزانی دگەل برێت مەکگۆرگ ھنارتیێ تایبەتێ سەرۆکێ وەلاتێن ئێکگرتیێن بۆ ھەڤپەیمانا نیڤ دەولەتی ل رۆژا ( ٩ / ٧ / ٢٠١٨) ، دیار دبیت سەرۆک بارزانی ژ بلی کو ب رژدی داکۆکی لسەر پاراستنا مافێن خەلکێ ھەرێما کوردستانێ کریە ل عیراقێ لسەر بنەمایێ دەستووری و دووبارە نەبوونا خەلەتیێن بووری کریە ژبوویی پاراستنا دەسکەفتێن خەلکێ کوردستانێ و بھێزکرنا قەوارێ ھەرێما کوردستانێ ، داکۆکی لسەر پشتەڤانیا سیاسی یا رۆژئاڤایێ کوردستانێ کریە .
ئەڤە بەلگەیەکێ حاشا ھەلنەگرە کۆ سەرۆک بارزانی داکۆکیکارێ پاراستنا مافێن خەلکێ کوردستانێ یە ل ھەر جھەکێ ھەبیت ، ژلایەکێ دی گاڤێن نێچیرڤان بارزانی سەرۆک وەزیرێن ھەرێما کوردستانێ بۆ شکۆدارکرنا سەنگا ھەرێما کوردستانێ لسەر ئاستێ نیڤ دەولەتی شیایە وان قەید و بەربەستێن حکومەتا عیراقێ و ھندەک وەلاتێن ھەرێمێ بشکێنیت و پەیوەندیێ، ھەرێما کوردستانێ مینا بەری راپرسیا سەرخۆبوونا کوردستانێ و پیلانا خیانەتکاریا شازدێ ئکتۆبەرا ٢٠١٧ یا بالەکێ ئێکەتێ بزڤرینیت ، نەخاسمە دگەل وەلاتێ تورکیا ، کۆ خیانەتکارا وەسا ھزر دکر پشتی راپرسیێ پارتی ژلایێ سیاسی ھاتە دوورپێچکرن و د بازنا ھەرێما کوردستانێ دا دەرناکەڤیت ، لێ ھیڤی یێ، وان بۆچەل بوون و پشتی پشکداریێ ل رێورەسمێن دەست بکاربوونەڤا سەرۆک کۆمارێ تورکیا لسەر بنەمایێ سیستەمێ سەرۆکایەتیێ و گەشتا وی بۆ ژمارەکا وەلاتێن ئەورۆپی . 
پارتی ئەڤە دڤێت و بڤی رەنگی کار و خەباتێ دکەت بۆ رزگاری و ئازادریا کوردستانێ و دابینکرنا پشتەڤانیا نیڤ دەولەتی بۆ بزاڤا رزگاریخوازیا کوردستانی ل ھەمی پارچێن کوردستانێ .
لێ ژمارەکا پارتێن دیترێن بناڤ کوردستانی چ دکەن ..؟ دەستێن خۆ دناڤ دەستێن دۆژمن و داگیرکارا دنێن ژبوی ناڤبرنا قەوارێ سیاسی و ئیداریێ ھەرێما کوردستانێ و درۆستکرنا ناکۆکیان دناڤبەرا پارتی و پارتێن بەشێن دی یێ کوردستانێ ..! یان خۆ ب حزبێن عیراقێ ددەننە دیارکرن نەک حزبێن کوردستانی ..! . ھندەک جاران ژی نەژادێ خۆ دکەن عەرەب و حاشایەتیێ ل کوردایەتیا خۆ دکەن ، ژ پێخەمەت مەرحەبایەکا مالکی یان عەبادی ...! 
یان ھەولێن وان یێن نەراستەخۆ بۆ دووبارە کرنەڤا شەرێ خۆ کوژیێ ژ پێخەمەت دووئیدارەکرنەڤا ھەرێما کوردستانێ بۆ بەرژەوەندێن دارایی . 
ب رەنگەکێ گشتی گاڤێن ھژمارەکا حزب و قەوارێن سیاسی یێ ھەرێما کوردستانێ دووری چارچۆڤێ بەرژەوەندێن نەتەوی و نشتیمانی یێن کوردستانێ نە و بڤان گاڤا نەشێن ببنە جھێ باوەریا خەلکێ کوردستانێ و ئەو وەلات و لایەنێن ئەڤرۆ پشتەڤانیێ لێ دکەن ، لدەمێ سەرکەفتنا پارتی و بھێزبوونەڤا ھەرێما کوردستانێ ، ئەو لایەن دێ پشتەڤانیا پارتی و سیاسەتا حکومەتا ھەرێما کوردستانێ کەن چونکی خەلکێ کوردستانێ دگەلدایە و دێ پشتا وان بەردەن و زۆر پیلانێن وان یێن دژی پارتی و بەرژەوەندێن ھەرێمێ دێ ئاشکەرا کەن و زێدەتر ل جارێن بووری دێ روورەش و شەرمەزار بن ، پەیاما ییرۆزا پارتی ژی دێ بەرھەمدار بیت .





ئەم هەواڵە 1165جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad