English | عربی | Kurdî دواهەواڵ
ڕاستەوخۆ  
 
لاڤرۆڤ: ئه‌مه‌ريكا له‌ ئاوى لێڵدا راو ده‌كات
2018-07-14 [05:23 AM]

ZNA – هەولێر


وه‌زيرى ده‌ره‌وه‌ى رووسيا، سێرگى لاڤرۆڤ رايگه‌ياند، "رووسيا پاساو بۆ كرده‌وه‌ى ديكتاتۆره‌كان ناهێنێته‌وه‌، به‌ڵام پشتيوانى له‌ به‌شار ئه‌سه‌د ده‌كات بۆ ئه‌وه‌ى سوورياش به‌ ده‌ردى عێراق و ليبيا نه‌چێت".

لاڤرۆڤ له‌ چاوپێكه‌وتنێكدا له‌گه‌ڵ كه‌ناڵى (RT)ى رووسى گوتى: "پێويسته‌ واقيعيانه‌ بير بكه‌ينه‌وه‌. به‌ تايبه‌تى له‌ بوارى ئاسايشى جيهان و وڵاته‌كانمان به‌رپرسانه‌ رفتار بكه‌ين".

گوتيشى: "با رابردووى ئه‌و ناوچه‌يه‌ بير خۆمان بخه‌ينه‌وه‌. سه‌دام حوسێن ديكتاتۆر بوو، موعه‌ممه‌ر قه‌زافى ديكتاتۆر بوو، به‌ڵام با به‌راوردى نێوان مه‌ينه‌تييه‌كانى گه‌لى عێراق و ليبيا له‌ نێوان هه‌ردوو سه‌رده‌مدا بكه‌ين، به‌ تايبه‌تى دواى ئه‌وه‌ى ئه‌مه‌ريكا و ناتۆ هه‌موو رێسايه‌كى نێوده‌وڵه‌تييان پێشێلكرد و ده‌ستتێوه‌ردانى سه‌ربازيان ئه‌نجامدا. راده‌ى كوژران و برينداربوون و ئاواره‌بوونى خه‌ڵك و راكردنى له‌ نيشتيمانه‌كه‌ى زۆر زۆر زياتره‌ له‌وانه‌ى له‌ سه‌رده‌مى ئه‌و دوو رژێمه‌ زيانيان به‌ركه‌وتووه"‌.

لاڤرۆڤ، ئه‌وه‌شى گوت: "ئه‌وانه‌ى عێراق و ليبيايان وێران كرد، ئه‌مڕۆ له‌ هه‌وڵدان بۆ ئه‌وه‌ى كۆمه‌ڵگه‌ى نێوده‌وڵه‌تى به‌شدارى له‌ به‌رپرسيارێتيان بكات سه‌باره‌ت به‌ چاره‌سه‌رى كێشه‌ى په‌نابه‌ران. هێشتا هيچ ئه‌نجامێكيان ده‌ست نه‌كه‌وتووه‌، بڕياريانداوه‌ هه‌مان سيناريۆ له‌ سووريا دووباره‌ بكه‌نه‌وه"‌.

لاڤرۆڤ باسى له‌وه‌شكرد، زۆرێك له‌ شيكه‌ره‌وه‌ سياسييه‌كان له‌و بڕوايه‌دان، "ئه‌مه‌ريكا به‌رژه‌وه‌ندى له‌وه‌دايه‌ پارێزگارى له‌ ره‌وشى پشێوى خۆرهه‌ڵاتى ناوه‌ڕاست بكات به‌ ئامانجى راوكردن له‌ ئاوى لێڵدا".





ئەم هەواڵە 2779جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad