English | عربی | Kurdî دواهەواڵ
ڕاستەوخۆ  
 
دوو منداڵ لە ڕووباری خازر خنکان
2018-07-14 [10:28 AM]

ZNA-هەولێر


بەرپرسی راگەیاندنی بەرگریی شارستانی ئاکرێ راگەیاند: سێ مندال  کەوتوونەتە ناو ڕووباری خازر دوانیان گیان لەدەست داوە، یەکێکی دیکەشیان رزگاری بووە. 

موقدم فیراس بەرپرسی راگەیاندنی بەرگریی شارستانیی ئاکرێ بە ئاژانسی هەواڵی زاگرۆسی ڕاگەیاند: کاتژمێر 12نیوەرۆی ئەمڕۆ شەممە 14/7/2018 سێ مندال لە ڕووباری خازر لە نزیک پردی (مەندان) لە نێوان سنووری شارۆچکەی بەردەڕەش و شارەدێی بەعشیقە لە سنووری پارێزگای مووسڵ کەوتوونەتە ناو ڕووبارەکەوە و دوانیان گیان لەدەست داوە کە تەمەنی یەکێکیان 12 سالە و ئەوەی تریش 13 سالە، یەکێکی دیکەشیان رزگاری بووە کە تەمەنی 11سالە.

ڕاشیگەیاند: کە تیمەکانمان توانیان تەرمەکانیان  لەناو ئاوەکە دەربهێنن، بەڵام رزگار بووەکە ڕەوشی تەندروستی ناجێگیرە و ئێستا لە نەخۆشخانەی شارۆچکەی بەردەڕەش لەژێر چاودێریی پزیشک دایە.

ئاماژەی بەوەشکرد: هەر دوو قوربانییەکە ئەندامی یەک خێزانن و خۆشکی یەکن و دانیشتووی گوندی (ئامیان)ن لە سنووری شارۆچکەی بەردەڕەش بەمەستی فێنکردنەوە و  گەشت و سەیران لەگەل خێزانەکەیان چوونەتە سەر ڕووباری خازر و لە ئەنجامدا ئەم ڕووداوە ڕووی داوە.

رائید بێوار عبدالعزیز بەرپرسی راگەیاندنی بەرگریی شارستانی پارێزگای دهۆک بە ئاژانسی هەواڵی زاگرۆسی راگەیاند: لە سەرەتای سالی نۆێ واتا 2018 تاکو ئەمڕۆ لە پارێزگای دهۆک بەهەموو قەزا و ناحیەکانیەوە 24 کەس خنکاون و 17 کەسی تریش رزگار کراون.

اسماعیل حکیم 





ئەم هەواڵە 3823جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad