English | عربی | Kurdî دواهەواڵ
ڕاستەوخۆ  
 
خۆپیشاندانه‌كانی خوارووی عێراق به‌رده‌وامه‌
2018-07-16 [07:26 AM]

​ZNA – هه‌ولێر


خۆپیشاندانه‌كانى باشوور و ناوه‌ڕاستى عێراق، كه‌ به‌هۆى خراپی و نه‌بوونى خزمه‌تگوزارییه‌كان و ته‌شه‌نه‌كردنى گه‌نده‌ڵیی له‌ حكوومه‌تی به‌غدا و داموده‌زگاكان، ده‌ستى پێكردووه‌، زۆرێك له‌ شار و شارۆچكه‌كانى عێراق، به‌تایبه‌ت شیعه‌نشینه‌كانى گرتووه‌ته‌وه‌ و ماوه‌ى زیاتر له‌ هه‌فته‌یه‌كیشه‌ به‌رده‌وامه‌.

عه‌شیره‌تى "خه‌فاجه‌" له‌ پارێزگاى زیقار، به‌ره‌به‌یانى ئه‌مڕۆ دووشه‌ممه‌ 16/ 7/ 2018 ڕێگاى سه‌ره‌كى پارێزگاكاه‌یان بۆ به‌غدا و پارێزگاى واست داخست.

سه‌رچاوه‌یه‌ك له‌ پارێزگاى زیقار، ڕایگه‌یاند: "سه‌دان كه‌س له‌ هۆزه‌كه‌ له‌سه‌ر ڕێگا سه‌ره‌كییه‌كه‌ بڵاوه‌یان كردووه‌ و به‌سووتاندنى تایه‌ی ئۆتۆمبێل جاده‌كه‌یان داخستووه‌، هاوكات دژ به‌ ڕێكاره‌كان و توندوتیژییه‌كانى حكوومه‌ت به‌رامبه‌ر خۆپیشاندان، هاوار ده‌كه‌ن.

سه‌ره‌تا له‌هه‌فته‌ى ڕابردوو خۆپیشاندانه‌كان له‌ پارێزگاى به‌سڕه‌، ده‌ستیان پێكرد، دواتر به‌رفراوان بوو و گه‌یشته‌ زۆرێك له‌و شارانه‌ى زۆرترینی دانیشتووانه‌كه‌ى شیعه‌نشینن، له‌وانه‌ش شاره‌كانى سه‌ر به‌ موسه‌ننا، میسان، دیوانییه‌، زیقار و واست و به‌شێك له‌ به‌غداش. خۆپیشانده‌ران داواى خزمه‌تگوزارییه‌ سه‌ره‌تاییه‌كان ده‌كه‌ن، وه‌ك: ئاو، كاره‌با، هه‌لى كار و نه‌هێشتنى گه‌نده‌ڵیی، كه‌ به‌گوته‌یان خۆیان هه‌موو جومگه‌كانى حكوومه‌تى گرتووه‌ته‌وه‌.

 

 





ئەم هەواڵە 7291جار خوێندراوەتەوە
 
 
ڤیدیۆ گەلەری
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad