English | عربی | Kurdî دواهەواڵ
ڕاستەوخۆ  
 
چه‌ند خویه‌كی ڕۆژانە دەبێتەهۆی دابەزاندنی کێش بەبێ وەرزشکردن
2018-07-16 [07:28 AM]

هەولێر _ ZNA



 زۆرکەس بۆ دابەزاندنی کێشی جەستەی پەنا بۆ سیستمی خۆراکی تەندروست دەبات، بەڵام لە ١٠ کەس تەنها نۆ کەس پەیڕەوی ئەو سیستەمە دەکەن و هەندێکیشیان بەشێوەیەکی خراپ، بەڵام چەند خووێکی ڕۆژانە وادەکات کێشی جەستە دابەزێت.

 ماڵپەڕی "بزنز ئینسایدەر" لە زاری دکتۆر جەیسۆن ئیولد پسپۆڕی خۆراکەوە بڵاویکردووەتەوە، ١١ خووی ڕۆژانە دەبێتەهۆی دابەزاندنی کێشی جەستە و پێویست بە وەرزش و پەیڕەوکردنی سیستمی خۆراکی نابێت بۆ دابەزاندنی کێشی لەش، ئەوانیش بریتین لە:

 - مانەوەی جەستە بە شێداری، هەوڵبدرێت ڕۆژانە بڕی پێویست ئاو بخورێتەوە تا جەستە هەست بە وشکی نەکات و نەبێتەهۆی هەستکردن بە برسێتی و پەنا بردنە بەرخواردن.

 - دورکەوتنەوە لەخواردنی شیرینی دەستکرد، ئەو خواردنانەی کە ڕێژەی شیرینی دەستکردیان تێدایە دەبێتەهۆی زیادبوون و کۆبوونەوەی چەوری لە لەشدا، بۆ نەمانی چەوری زیادە لەو جۆرە شیرینیانە دووربکەونەوە.

 - بەپێی پێویست بخەوە، مرۆڤێکی ئاسایی پێویستە لە ڕۆژێکدا حەوت بۆ هەشت کاتژمێر بخەوێت، چونکە کەمخەوی دەبێتەهۆی بێداری و پەنابردنە بەرخواردنی ناتەندروست.

 - گرنگیدان بە ژەمەکانی خواردن و پشتگوێ نەخستنی، بەمەش لە خواردنی خێرا و خراپ دوردەکەویتەوە.

 - ئامادەکردنی خواردن لە ماڵەوە، پێش هەستکردن بە برسێتی خواردن ئامادەبکرێت و بخورێت، چونکە لەکاتی برسێتیدا بڕێکی زیاتر لە خواردن دەخورێت.

 - گرنگیدان بە سووکە ژەم، پێویستە لە نێوانی ژەمەکاندا سووکە ژەم بخورێت تاوەکو لە ژەمی سەرەکیدا خواردنی زۆر نەخورێت.

خواردنی خۆراکی تەندروست، وەکو خواردنی نانی بۆر و برنجی بۆر و پاقلەمەنییەکان، بۆئەوەی بڕی پێویست لە ڤیتامین و کانزاکان بۆ جەستە دابینبکرێت.

-خواردنی چەرەساتەکان ، بەپێی توێژینەوەیەک کە لە باکوری ئەمەریکا ئەنجامدراوە ئەو کەسانەی کە ڕۆژانە بڕێکی کەم لە چەرەسات دەخۆن کەمتر ڕووبەڕووی نەخۆشییەکانی دڵ دەبنەوە و هەروەها هۆکارێکیشە بۆ دابەزاندنی کێشی لەش.

-وەرزشکردنی ڕۆژانە، توێژەران ئاماژەبەوە دەکەن ئەو کەسانەی کە پێش نانی بەیانی وەرزش دەکەن ڕێژەی سوتانی چەوری لەشیان لە %٢٠ زیاتر دەبێت.

-ڕۆژانە میوە بخورێت، کە ماددەی ڕیشاڵی لە جەستەدا زیاد دەکات و ڤیتامین و کانزای پێویست بۆ جەستە دابین دەکات، هۆکارێکیش بۆ پێدانی هەستی تێری.

 - چێژوەرگرتن لە خواردن، زۆربەی زانایان لەسەر ئەوە کۆکن کە ڕێگریکردن لەو خواردنانەی کە حەزت لێیە و وادەزانیت زیانی تەندروستی هەیە ڕەفتارێکی هەڵەیە، پێویستە چێژ لە ژەمەکانی خواردن وەربگیرێت و ناو بەناو ئەو خواردنانە بخورێت کە حەزت لێیەتی، بەبێ زیادەڕەویکردن لە ڕێژەی خواردنیان.
 





ئەم هەواڵە 6556جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad