 |
|
|||
ZNA – ھەولێر پێش رووبەرووبوونەوەی یانەی سیڤیا لە یاری جامی سوپەری ئیسپانی , یانەی بەرشەلۆنە گورزێکی کوشندەی بەرکەوت . بەپێی ھەواڵێکی رۆژنامەی مۆندۆدیپۆرتیڤۆی ئیسپانی , دادگای وەرزشی ئیسپانیا داوایەکی یانەی بەرشەلۆنەی رەتکردەوە بۆ ھەڵگرتنی سزای سەر یاریزان سێرجیۆ رۆبێرتۆ . لەھەواڵەکە ھاتووە , یانەی بەرشەلۆنە ھیواخوازبوو دادگای وەرزشی سزاکەی سەر سێرجیۆ رۆبێرتۆ ھەڵگرێت و ئەم یاریزانە بتوانێت بەشداری لە یاری سوپەری ئیسپانی بکات . بەڵام دادگای وەرزشی بەرشەلۆنەی بێ ھیوا کرد . لەھەواڵەکە ئاماژە بەوەکراوە ، سێرجیۆ رۆبێرتۆ لە یاری گەڕانەوەی کلاسیکۆ لەبەرامبەر یانەی ریال بە کارتی سوور دەرکرا و بۆ چوار یاری سزادرا . بڕیارە یاری سوپەری ئیسپانی لە ١٢ ئابی داھاتوو لە نێوان ھەردوو یانەی بەرشەلۆنە و سیڤیا بەڕێوەبچیت .
|
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad