English | عربی | Kurdî دواهەواڵ
ڕاستەوخۆ  
 
لە بەسرە خۆپیشاندان دەستیپێکردەوە
2018-07-17 [07:19 AM]

ZNA-هه‌ولێر


سەرچاوەیەک لە پۆلیسی بەسرە رایگەیاند، خۆپیشاندان لە پارێزگاکە دەسیتپێکردەوە و خۆپیشاندەران لە نزیک دەروازەی سەرەکی کێڵگەی نەوتی زوبێری پارێزگاکە گردبوونەتەوە.

بە گوێرەی ئاژانسی ھەواڵی رۆیتەرز، زیاتر لە ٢٥٠ خۆپیشاندەر لە بەردەم دەروازەی سەرەکی کێڵگەی نەوتی زوبێر کۆبوونەتەوە و ناڕەزایی دەردەبڕن.

ئەوە لە کاتێکدایە، کە پێشتر بە ھۆی درووستبوونی گرژی لە خۆپیشاندانەکان و پێکدادانی پۆلیس و خۆپیشاندەران، قەدەخەی ھاتووچۆی ئۆتۆمبێل لە پارێزگاکە راگەیەندرا و ئەمڕۆ سێشەممە، بە شێوەیەکی نیمچەیی کراوەتەوە.

لەلایەکی دیکەوە، بەرپرسانی کێڵگە نەوتییەکە رایانگەیاند، بەرھەمھێنانی نەوت لە کێڵگەکە ئاساییە و کۆمپانیای "ئینی" ئیتاڵی کاری تێدا دەکات.

بەھۆی کەمبوونەوەی ئاوی خواردنەوە، کارەبای نیشتمانی و بێکاری کوشندە لە ریزی گەنجان، ھەفتەیەک زیاترە خۆپیشاندان لە شارەکانی باشووری عێراق دەستیپێکردووە.

بە مەبەستی کپکردنەوەی خۆپیشاندانەکانیش، ھێزە ئەمنییەکان لە تەواوی شار و شارۆچکەکانی باشووری عێراق بڵاوەیانپێکراوە و خراونەتە ئامادەباشی.

بەھۆی پێکدادانی ھێزە ئەمنییەکان و خۆپیشاندەران، تا ئێستا زیاتر لە ١٠ ھاووڵاتی کوژراون، نزیکەی ٢٥٠ برینداریش لە ریزی ھێزە ئەمنییەکان و خۆپیشاندەران ھەیە.





ئەم هەواڵە 2932جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad