English | عربی | Kurdî دواهەواڵ
ڕاستەوخۆ  
 
چالاكوانێك لەپێنجوین كوژرا
2018-07-18 [05:34 AM]

​ZNA – هەولێر


لە سنووری شارۆچکەی پێنجوێن چالاکوانێکی سیاسی رۆژهەڵاتی کوردستان کوژرا و شەوی رابردوو تەرمەکەی دۆزراوەتەوە.

کۆمەڵەی مافی مرۆڤی کوردستان لە ڕاگەیاندراوێکدا بڵاوی کردەوە، کاتژمێر (١١)ی شەوی ڕابردوو (١٧ لەسەر ١٨ی تەمووزی ٢٠١٨)، تەرمی ئیقبال مورادی لە نزیک چەمی پێنجوێن لە پارێزگای سلێمانی دۆزراوەتەوە و ناسراوەتەوە کە جێگەی ٧ فیشەک بەسەر جەستەیەوە بووە.

پێشتر لە ٢٠٠٨ ئیقبال مورادی جارێکی دیکەش لە نزیک شاری پێنجوێن کرابووە ئامانجی کردەوەی تیرۆریستی و دوای برینداربوونی، لە نەخۆشخانە لە مردن ڕزگار کراوە.

کۆمەڵەی مافی مرۆڤی کوردستان لە ڕاگەیاندراوەکەدا سەرخۆشی و پەژارەی خۆی لەسەر تیرۆر و گیان لەدەستدانی ئەم چالاکە دووپات کردووەتەوە و تیرۆرکردنەکەی شەرمەزار کردووە، هاوکات لەگەڵ ژمارەیەکی زۆر لە چالاکانی نێو تۆڕە کۆمەڵایەتییەکان، داوایان لە لایەنە ئەمنی و پەیوەندیدارەکانی سنووری پارێزگای سلێمانی کردووە کە سەر بە حکوومەتی هەرێمی کوردستانن، “دەست و پێوەندەکانی ئەم تاوانە بدۆزرێتەوە و دادگاییان بکات”.

ئیقباڵ مورادی، باوکی زانیار مورادی، بەندکراوی سیاسییە کە بە سێدارە سزا دراوە و هاوکات مامی لوقمان مورادییە کە ئەویش سزای سێدارەی بەسەردا سەپێندراوە.

 

 

 





ئەم هەواڵە 2746جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad