English | عربی | Kurdî دواهەواڵ
ڕاستەوخۆ  
 
رێکخراوێکی ئەڵـمانی رەخنە لە کردەوەی تورکیا لە عەفرین دەگرێت
2018-07-18 [02:22 AM]

​ZNA - هەولێر


رێكخراوێكی ئەڵمانی دەڵێت، توركیا لە عەفرین دژی كورد و گروپە كوردییەكان شەڕ دەكات و یەك زمان و یەك مەزھەبیش بەسەر دانیشتووانی شارەكە دەسەپێنێت.

رێكخراوی ئەنجوومەنی گەلانی ھەڕەشەلێكراو، كە رێكخراوێكی نێودەوڵەتیی ئەڵمانییە، راپۆرتێكی لەبارەی بارودۆخی عەفرین بڵاوكردەوە. لە راپۆرتەكەدا ئاماژە بەوە كراوە کە لەوكاتەوەی عەفرین داگیركرا، راستەوخۆ ھێزەكانی توركیا و گروپە چەكدارەكان تابلۆكانی بە زمانی كوردییان لە شارەكە لابردن و خوێندنیان بەم زمانە قەدەخە كرد. ئاماژە بەوەش كراوە، لە عەفرین جگە لە موسڵمانان، ئێزدی و عەلەوی و كریستیان ھەبوون، بەڵام ئێستا لە شارەكە نەماون و ناچار كراون ئەم شارە جێبھێڵن.

بە گوێرەی زانیارییەكانی رێکخراوەکە تەنیا لەم مانگەدا ١٢٠كەس لە شارەكە رفێندراون و ٧ كەسیش كوژراون و بەردەوام ھەڵدەكوترێتە سەر ماڵی ھاووڵاتییان.

راپۆرتەكە ئاماژە بەوەش دەكات، لە ئەفرین و دەورووبەری، گروپە ئیسلامییە توندڕەوەكان پاكتاوی ئەتنیكی ئەنجامدەدەن و یەك زمان و یەك مەزھەب بەسەر خەڵكیدا دەسەپێندرێت.





ئەم هەواڵە 5263جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad