English | عربی | Kurdî دواهەواڵ
ڕاستەوخۆ  
 
دوبارە بنیات نانەوەی کەرتی کارەبا و هەنگاونان بەرەو چارەسەری بنەڕەتی
2018-07-20 [01:42 AM]

نووسینی: ڕێبین نەوزاد


کێشەی کارەبا لە سەرەتای درووستبوونی حوکمەتی هەرێمەوە بەگرینگترین کێشەی ساڵ دادەنرێت و پەیوەندی ڕاستەوخۆی بەژیانی خەڵکیەوە هەیە،هەر وڵاتێک بۆ ئەوەی کارەبای پێویست دابین بکات ئاماری ڕێژەی دانیشتوان دەکات بەپێوەر،کەچی لەکوردستان ئەم ڕێگایە هیچ سودی نیە،ساڵ بەساڵ ڕێژەی بەرهەم هێنانی کارەبا زیاد دەکات،کەچی کێشەکە وەکوو خۆی وایە،سەرەتا دەگەڕێتەوە بۆ ئەو خوەی خەڵکی هەیانە،واتا ئەتوانن بە 3ئەمپێری کارەبای مۆلیدە کارەکانیان ڕایبکەن،کەچی بۆ کارەبی حوکمی بە 20ئەمپێریش ڕازی نین،یانی بەکار هێنانی کارەبا لای خەڵکی ئێمە جۆرێک بەکار دێت کە هیچ حوکمەتێک نەتوانێ دابینی بکات،سەرەڕای ئەوەش شانسی حوکمەتی هەرێم هەرساڵێک ڕێژەی مێگاواتەکانی بەرزدەکاتەوە،ڕووداوێک ڕوو لە عێراق و ناوچەکە دەکات و ڕێژەی دانیشتوان دەکات بە دوو هێندە،هاوشێوەی هاتنی ملیۆنان ئاوارەی شارەکانی عێراق،کە ئەمەش وەکوو ئەوە وایە ڕێژەی قوتابیانی قۆناغێک بکرێن بەدوو هێندە و بێ ئەوەی مامۆستای بۆ دابین بکرێت،سەرەڕای ئەوەش حوکمەتی هەرێم و خودی سەرۆک وەزیران بەردەوام بوون لە برەودان بەم کەرتە گرینگە و هیچ شتێک نەبۆتە ڕێگر لەبەردەم بەهێزکردنی کەرتی کارەبا،لە ئێستاشدا کە بەهاوکاری ڕێکخرا ئاژانسی ژاپۆنی بۆ هاوکاری نێودەوڵەتی کاردەکرێت بۆ بەهێزکردنی کارمەندانی کەرتی کارەبا و هاوردەکردنی چەندین تاقیگەی گرینگ، کەئەمەش هیچی کەمتر نیە لەو چاکسازیانەی لە مووچە و مووچەخۆراندا کراوە،بگرە هاوڵاتی چەند پێویستی بە مووچەیە ئەوەندەش بە کارەبا،جێی خۆیەتی هەر یەک لە ئێمە هاوکاربین بۆ سەرخستنی ئەم پرۆسە گرینگە تاکو کێشەی کارەبا بە یەکجاری بنبڕبکرێت.

نابێ ئەوەمان لەبیر بچێت کە سەرەڕای دابەزینی نرخی نەوت و بڕینی بوودجە لەلایەن بەغداوە کەچی ماوەی ئەم چوار ساڵە حوکمەتی هەرێم بەردەوام لەهەوڵدابووە بۆ دابینکردنی کارەبا،واتا تا ئێستاش کارەبای هەرێم چەند هێندەی کارەبای شارەکانی عێراق باشترە،بگرە لەوێ هاوڵاتیان تەواو بێزاربوون کە ئێستا ڕۆژانە خۆپیشاندانی جەماوەری ڕێکدەخەن بۆ چاککردنی،نەک هەر بەتەنیا کارەبا بەڵکو دەتوانین بڵێین شارێکی عێراق هیندەی شارۆچکەیەکی هەرێمی کوردستان خزمەتگوزاری پێنەگەیشتوە،ئەمەش ئەو ڕاستیە دەسەلمێنێت کە پارە بەتەنها ئەم چاکسازیانە بەدی ناهێنێت،بەڵکوو شێوازی حوکمڕانی و پلان و بەرنامەی باش بەدی دێنێت.

گەر ئەو پلانانە بخرێنە بواری جێبەجێکردنەوە کە حوکمەتی هەرێم دایناوە بۆ ڕێکخستنەوە و چاکسازی کردن لە کەرتی کارەبادا بە دڵنیاییەوە کێشەی کارەبا بەتەواوی کۆتایی دێت و چی دیکە کەس ناتوانێ موزایەدەی پێوە بکات و خەڵکی هەرێمیش سودمەندی یەکەم دەبن،بەو مەرجەی هاوکاری ڕاستەقینەبن.





ئەم هەواڵە 2515جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad