English | عربی | Kurdî دواهەواڵ
ڕاستەوخۆ  
 
ئه‌مریكا: ئێران 16 ملیار دۆلارى بۆ میلیشیاكانى خه‌رج كردووه‌
2018-07-21 [07:08 AM]

ZNA- هه‌ولێر


وه‌زاره‌تى ده‌ره‌وه‌ى ئه‌مریكا، ڕژێمى ئێران به‌وه‌ تۆمه‌تبار ده‌كات، كه‌ "هاوكارى تیرۆر و جه‌نگه‌كانى ده‌ره‌وه‌"ى له‌ خۆرهه‌ڵاتى ناوه‌ڕاست كردووه‌، ئه‌مه‌ش له‌كاتێكدایه‌، گه‌لى خۆى به‌ده‌ست قه‌یرانى ئابوورییه‌وه‌، ده‌ناڵێنێت.


به‌رپرسێكى باڵاى وه‌زاره‌تى ده‌ره‌وه‌ى ئه‌مریكا، له‌ كۆنگره‌یه‌كى ڕۆژنامه‌نووسیدا، له‌ڕێگه‌ى په‌یوه‌ندی ته‌له‌فونییه‌وه‌، ڕای گه‌یاند: "ئێران زیاتر له‌ 16 ملیار دۆلاری بۆ پشتیوانیكردنى ڕژێمه‌كه‌ى به‌شار ئه‌سه‌د له‌ سووریا و بریكاره‌كانى له‌ عێراق و یه‌مه‌ن، خه‌رج كردووه‌، هاوكات ساڵانه‌ 700 ملیۆن دۆلارى به‌ حزبوڵڵاى لوبنانى، به‌خشیوه‌".

ئه‌وه‌شى ئاشكرا كرد، كه‌ به‌پێی زانیارییه‌كانیان، ئێران 4 ملیار دۆلارى به‌ ڕژێمى سووریا، داوه‌. هه‌روه‌ها گوتیشی: "ئێران بۆ تێكدانى دۆخى ئه‌منى و سه‌قامگیری وڵاتانى خۆرهه‌ڵاتى ناوه‌ڕاست، له‌ عێراق و سووریا و لوبنان و یه‌مه‌ن، پاره‌یه‌كی زۆر خه‌رج ده‌كات، بۆ ئه‌مه‌ش، سزاى پله‌ دوو و پله‌ سێ هه‌یه‌".


باسى له‌وه‌ش كرد، كه‌ ڕژێمى ئێران، له‌برى ئه‌وه‌ى گرنگى به‌ ناوخۆى خۆى و خۆشگوزه‌رانى گه‌له‌كه‌ى بدات، هه‌موو داهاته‌كه‌ى له‌ كاره‌ ئایدۆلۆژییه‌كانى خه‌رج كردووه‌ و، به‌وه‌ش قه‌یرانى ئابووریی دروست كردووه‌، كه‌ ئێستا گه‌لى ئێران به‌هۆیه‌وه‌، خۆپیشاندان ده‌كات".


دووپاتیشی كرده‌وه‌، كه‌ به‌باشى ده‌زانن، ئێران داهاته‌كه‌ى له‌ تیرۆر و جه‌نگدا خه‌رج ده‌كات، گوتیشی: "هیچ وڵاتێكى دیكه‌ له‌ جیهان، هێنده‌ى ئێران هاوكارى تیرۆر ناكات، بۆیه‌ هه‌ڵمه‌ته‌كه‌مان بۆ ئه‌وه‌یه‌ زۆرترین فشارى ئابووریی دروست بكه‌ین، بۆ ئه‌وه‌ى تاران له‌ داهاتى دارایی كه‌ بۆ په‌ره‌پێدانى تیرۆر به‌كارى ده‌هێنێت، بێ به‌ش بكه‌ین".

ئه‌و به‌رپرسه‌ ئه‌مریكییه‌، واى ده‌بینێت، زۆرێك له‌و پارانه‌ى ئێران، كه‌ بۆ تیرۆر و جه‌نگ خه‌رج ناكرێت، ده‌چێته‌ گیرفانى به‌رپرسانه‌وه‌ و سه‌روه‌ت و سامانى خۆیانى پێ زۆر ده‌كه‌ن.





ئەم هەواڵە 4114جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad