English | عربی | Kurdî دواهەواڵ
ڕاستەوخۆ  
 
خامنه‌یی : ئه‌گه‌ر رێگری له‌ نه‌وتی ئێران بكرێت رێگه‌ ناده‌ین هیچ ولاتێك نه‌وت هه‌نارده‌ بكات
2018-07-22 [05:14 AM]

ZNA- هه‌ولێر


عەلئ خامنەیی ڕێبەری کۆماری ئیسلامیی ئێران،  لە دیدارێک لەگەڵ باڵیۆز و بەرپرسانی وەزارەتی دەرەوەی ئێران، گوتی ئەگەر ڕێگری لە هەناردەی نەتی ئێران بکرێت، ڕێگە نادەین نەوتی هیچ وڵاتێکی دیکە لە ناوچەکە هەناردە بکرێت.

 

خامنەیی پشتگیریی لە قسەکانی حەسەن ڕۆحانی کردووە و ئەو هەڵوێستانەی بە "گرنگ" و بە "نیشانەی سیاسەت و ئاراستەی کۆماری ئیسلامی" وەسفی کردووە و داوای لە وەزارەتی دەرەوە کرد کە ئەرکی سەرشانیانە بە شێوەی جیدی درێژەدەری هەڵوێستەکانی سەرکۆمار لە بواری سیاسەتی نەوتیدا بن.

 

پێشتریش چەندان بەرپرسی کۆماری ئیسلامیی ئێران لە بەرانبەر گرتنەبەری گەمارۆکانی ئەمریکا و بەتایبەت گەمارۆ بۆ سەر کەرتی نەوت، هەڕەشەی داخستنی گەرووی "هورمز" لە کەنداو دەکەن کە یەکێک لە شاڕێگەکانی هەناردەی بەشێکی زۆر لە نەوتی وڵاتانی ناوچەیە بۆ بازارە جیهانییەکان و ئێران هەڕەشەی داخستنی دەکات و خامنەیی مەبەستی لە رێگری لە هەناردەی نەوتی ولاتانی ناوچە، داخستنی ئەو گەرووەیە.

 

بەپێی ڕاپۆرتی ماڵپەڕی فەرمیی عەلی خامنەیی، ڕێبەری ئێران لەبارەی پرسی بەرنامەی ناوکیی ئێران و هەڕەشەی ئەمریکا لەبارەی وەگەڕخستنەوەی گەمارۆکان گوتی: "نابێ دانوستان لەگەڵ ئەرووپییەکان کۆتایی پێ بێت، بەڵام نابێ چاوەڕیی بەستەی پێشنیاریی ئەوان بین و دەبێ کاری پێویست لە ناوخۆی وڵات جێبەجێ بکرێت".

 

خامنەیی لە قسەکانیدا لەبارەی گرفتەکانی ئێران کە بە (دانوستان لەگەڵ ئەمریکا) چارەسەر دەبن، بە (هەڵەی ڕوون و ئاشکرا)ی وەسف کرد و گوتی من پێشتریش گوتوومە کە ناکرێ لەسەر قسە و تەنانەت واژۆی ئەمریکییەکان حیساب بکەین، کە واتە وتووێژ لەگەڵ ئەمریکا هیچ قازانجێکی نییە".

 

لە درێژەی ئەم باسەدا گوتی: "ئەمریکا لەگەڵ "بنەما و فەلسەفەی سیستەمی ئیسلامی گرفتی سەرەکی"یان هەیە و ئەوان بەتەمای گەڕانەوە بۆ پێگەی خۆیان لە ئێران پێش شۆڕشی گەلانی ئێرانن و بە کەمتر لەوە رازی نابن"





ئەم هەواڵە 4354جار خوێندراوەتەوە
 
 
ڤیدیۆ گەلەری
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad