English | عربی | Kurdî دواهەواڵ
ڕاستەوخۆ  
 
رۆیته‌رز : تره‌مپ لە هەوڵی جوڵاندنی ناڕەزایەتییەکانی ناوخۆی ئێرانە
2018-07-22 [05:32 AM]

ZNA- هه‌ولێر


ئاژانسی هەواڵی رۆیتەرز بڵاویکردەوە، سەرۆکی ئەمریکا لە هەوڵی جوڵاندنی ناڕەزایەتییەکانی ناوخۆی ئێرانە و هەریەک لە جۆن بۆڵتن و مایک پۆمپیۆ سەرەکیترینی ئەو کەسانەن کە هاوکاریی دەکەن. 

رۆیتەرز لەسەر زاری ژمارەیەک لە بەرپرسانی ئەمریکاوە بڵاویکردووەتەوە حکومەتەکەی دۆناڵد ترەمپ کەمپەینی پڕوپاگەندەی دژی حکومەتی ئێران دەستپێکردووە و ئامانجیش لەو کەمپەینە دروستکردنی نائارامییە لەو وڵاتە و گوشار خستنەسەر ئێرانە بۆ ئەوەی بەرنامە ئەتۆمییەکەی و ژمارەیەک لە چالاکییە ناوچەییەکانی رابگرێت.

رۆیتەرز ئاماژەی بەوەشداوە کە هەریەک لەمایک پۆمپیۆ وەزیری دەرەوە و جۆن بۆڵتن، راوێژکاری ئاسایشی نیشتمانی ئەمریکا ئەرکی جێبەجێکردنی ئەو بەرنامەیەیان لە ئەستۆگرتووە و بۆ ئەوەش چەندین لێداوانی جۆراوجۆر و تووندیان لە تۆڕە کۆمەڵایەتییەکان بڵاوکردووەتەوە. 

بەرپرسێکی باڵای وەزارەتی دەرەوەی ئەمریکا کە نەیویستووە ناوی بڵاوبکرێتەوە بە رۆیتەرزی راگەیاندووە، ئەمریکا نایەوێت حكومەتی ئێران بگۆڕێت، بەڵکو دەیەوێت رەفتاری حکومەتی ئێران بگۆڕێت. 

بڕیارە ئەمڕۆش وەزیری دەرەوەی ئێران لە کتێبخانەی دۆناڵد ریگن لە لۆس ئەنجلس لە کۆنفرانسێکدا لە ژێر ناونیشانی "دەنگی ئێرانیان" گوتارێک پێشکەش بکات و لەگەڵ ژمارەیەک لە ئێرانیانی دانیشتووی ئەمریکا گفتوگۆبکات. 





ئەم هەواڵە 4213جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad