English | عربی | Kurdî دواهەواڵ
ڕاستەوخۆ  
 
ئێران جیاكاری له‌ نێوان شیعه‌ و سوننه‌كان ده‌كات
2018-07-22 [05:45 AM]

ZNA-هه‌ولێر


زانایەکی ئایینی ئێران رایدەگەێنێ، لە کاتێکدا لە سەدا ٧٥ی دانیشتووانی پارێزگای سیستان و بەلوچستان سووننە مەزھەبن لە کۆی ٣٠٠٠ فەرمانبەر تەنھا ١٨یان سوننەن.

مەولەوی عەبدولحامید ئیسماعیل زەھی، زانای ئایینی بەناوبانگی سوننە لە ئێران بە رۆژنامەی ئیعتیماد-ی ریفۆرمخوازانی راگەیاندووە: لە خولی یەکەمی سەرکۆماریدا حەسەن رووحانی لەو ناوچانەی زۆربەیان سوننەنشینن گۆڕانکاری گرنگی ئەنجام دا، بەڵام لە خولی دووەمدا گۆڕانکارییەکان لە ئاست خواستی سوننەکانی ئێراندا نەبوون، لە کاتێکدا ئەوان بە ھیوای ئەوە دەنگیان پێداوەتەوە تاکو ژمارەیەک لە پۆستی وەزیران و باڵیۆزانی کابینەکەی بۆ کەسانی سوننە مەزھەب تەرخان بکات.

دەشڵێت: ئەگەر کەسێکی سوننە شایستە نەبوو با دەرفەتی کارکردنی بۆ نەڕەخسێندرێ، بەڵام کەسێکی سوننە کە توانای ئەوەی ھەبوو پێویستە لەلایەن دەسەڵاتەوە بێبەش نەکرێت لەو مافەی. لەمبارەیەوە داواکاریمان پێشکەشی وەزارەتی ناوخۆ کردووە بەڵام پشتگوێ خرا. لە کاتێکدا لە سەدا ٧٥ی دانیشتووانی پارێزگای سیستان و بەلوچستان سووننە مەزھەبن لە کۆی ٣٠٠٠ فەرمانبەر تەنھا ١٨یان سوننەن. ئەو جیاکارییە کاریگەری نەرێنی کردۆتە سەر کشتوکاڵ، ئاژەڵداری، پیشەسازی و بازرگانی. پێویستە کۆتایی بەو جیاکارییە بھێندرێ و بنەمای کەسی شیاو بۆ شوێنی شیاو بکرێتە پێوەر.





ئەم هەواڵە 4132جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad