English | عربی | Kurdî دواهەواڵ
ڕاستەوخۆ  
 
كۆریای باكوور ده‌ستی له‌ به‌رهه‌مهێنانی كه‌ره‌سته‌ی ئه‌تۆمی هه‌ڵنه‌گرتووه‌
2018-07-22 [05:47 AM]

ZNA- هه‌ولێر


فه‌رمانده‌ی هێزه‌كانی ئه‌مه‌ریكا له‌ كۆریای باشوور رایده‌گه‌یێنێت، هێشتا كۆریای باكوور به‌رده‌وامه‌ له‌ به‌رهه‌مهێنانی كه‌ره‌سته‌ی ئه‌تۆمی.

جه‌نه‌راڵ ڤینسینت برۆكس، فه‌رمانده‌ی ھێزه‌كانی ئه‌مه‌ریكا له‌ كۆریای باشوور، ئه‌مڕۆ یه‌كشه‌ممه‌ 22/7/2018 رایگه‌یاند: "پیۆنگ یانگ ده‌ستی له‌ به‌رهه‌مهێنانی كه‌ره‌سته‌ی ئه‌تۆمی هه‌ڵنه‌گرتووه‌".

ئه‌و فه‌رمانده‌ ئه‌مه‌ریكییه‌ له‌ لوتكه‌ی ئاسپین له‌ ویلایه‌تی كۆلۆرادۆ گوتوویه‌تی: "تا ئیستا داخستنی یه‌كجاره‌كی به‌رهه‌مهێنانی كه‌ره‌سته‌ی ئه‌تۆمی كۆریای باكوورمان نه‌بینیووه‌و كۆگای سووته‌مه‌نییه‌كانیشی لانه‌داوه‌، ئه‌وه‌ش پێمان ده‌ڵێت، هێشتا پیۆنگ یانگ به‌رده‌وامه‌ و پێویسته‌ به‌ رێگه‌ی داماڵینی چه‌كی ئه‌تۆمی‌دا هه‌نگاو بنێت".

له‌ هه‌مان كاتدا ره‌تیكرده‌وه‌ قسه‌ له‌باره‌ی توانا ئه‌تۆمییه‌كانی كۆریای باكوور بكات و گووتی: ئه‌و زانیارییانه‌ زۆر هه‌ستیارن.

ئه‌وه‌ له‌ كاتێكدایه‌ سه‌رۆك دۆناڵد تره‌مپ و سه‌رۆك كیم جۆنگ ئون له‌ لوتكه‌كه‌یاندا له‌ سینگاپوور، یاداشتێك كه‌ به‌ نایاب ناویانبرد واژۆكرد بۆ ئه‌وه‌ی به‌گوێه‌ری نه‌خشه‌ رێگایه‌ك چه‌كه‌ ئه‌تۆمییه‌كانی كۆریای باكوور داماڵرێت و له‌ به‌رامبه‌ردا گه‌مارۆ و سزاكانی سه‌ر پیۆنگ یانگ هه‌ڵبگیرێت.

ته‌نانه‌ت كیم جۆنگ ئون واژۆكردنی ئه‌و یاداشته‌ی له‌گه‌ڵ تره‌مپ به‌ ده‌ستپێكێكی نوێ له‌ په‌یوه‌ندییه‌كانی نێوان پیۆنگ یانگ و واشنتن ناوبرد و گووتی: "له‌ داهاتوودا گۆڕانكاریی گه‌وره‌ رووده‌دات".





ئەم هەواڵە 4177جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad